Violet-backed Starling
Nonyana ya Starling ya mmala wa Poreimi
Leina
Nonyana ya Starling ya mmala wa Poreimi (Cinnyricinclus leucogaster)
Ponalo
Di boima bja digrama tše 45, ditshadi le megogonope di a swana ka mmala wa mafofa. Megogonope dikarolong tsa ka godimo, mmogo le seledu, mogolo le mafego ke a swanago le molalatladi le ka boperese. Dikarolo tša ka fase ke tše bošweu bja go hlaka. Mebala ye ya fapana go tloga go wo fifetšego go ya go wo mo pinki bja go tsenelela, go ya ka seetsa. Molomo le maoto a mogogonope ke a maso, mahlo a ne le sedika se serolane ka mathoko a botsothwa ka gare. Ditshadi di ne hlokego ya mmala wa molalatladi ya mafofa. Phatleng le morago ga molala gomme le mathokong a hlogo ke ye tsothwa le mothalo wa go fifala ka mafekong. Mafeko a go bulega, ka morago, mafeko le mosela ya tshadi ke tše di tsothwa le ntlha ya ona ke ye botsothwa bja go sehlafala ka mafelelong. Mafeko a magolo a botsothwa bja go ba bohubedunyana ka gare. Ka bo faseng bja yona e tšhweu ka mtohalo wa go fifala bogareng, gomme e kgolwane dikgareng. Molomo le a maoto a tshadi ke tše ntšho, mahlo a na le sedikwa sa go ba serolane le botsothwa ka gare.
Dijo
Nonyana ya Starling ya mmala wa Poreimi e ja dienywa. Gape di ja dikhunkhwane tšeo di hwaeditšwego dikalaneng goba tše di swerego di fofa, le mafuka a mohlwa.
Pelegišo
Ke dinonyana tša go ya mosemong le ye e ratago ye tee fela gomme go elama ye e tee fela. Sehla sa tšona sa go beela ke Diphalane go ya go Pherekgong ka Zimbabwe le Aforika borwa le Diphalane go ya go Dibokwana kua Botswana. Bong ka bobedi bo rwala mahlare a ma tala le didirišwa tše dinmgwe go aga sehlaga. Gantšhi dihlaga di agwa ka gare ga molete wa mohlare, wa dimetara tše 2 go ya go tše 4 go tšwa fase. Dihlaga e bile di agwa ka gare ga dipalo tse bego le melete tša legora. Di beela mae a 2 go ya go a 4. A mmala wabo sehla bja botala bja leratadima le dipatso tša ba bohubedu bja botsothwa ntlheng ye kotwana ya lee. Go elama go diiwa ke tshadi fela nakong ya matšatši a 12 go ya go 14.
Boitshwaro
Gantšhi di hwetšwa ka dihlopha tše nnyane, ka nako tše dingwe de ahlantšhwe ka bong. Ga se gantšhi di phutega ka bontšhi goba go dula ka sehlageng ka sehlopha. Di hwetšwa ka bobedi goba maloko a dihlophana ge di beela. Di fetša nako e nnyane fase ge di bapišwa le distarling tše dingwe tša go ba phadima.
Bodulo hlago
Bodulo hlago bjo di bo ratago ke lešoka la mehlare ya go bulega godimo tše ntšhi le mašoka a mabopong. Di latela leboo la go mela ga dienywa.
Di hwetšwa kae?
Nonyana ya Starlign ya mmala wa Poreimi di hwetšwa kua Namibia, Botswana, Zimbabwe, Mozambique le Aforika Borwa.
