Vito
Nkala Leyi Yale Matini, Water Mongoose (Atilax paludinosus)Xivumbeko
Muxaka lowu wa Nkala wulehe exikarhi ka 800 to 1000 mm, naswona muxaka lowu hiwona woleha swinene loko kupimanisiwa na leswin’wana. Ntiko wa xona wule xikarhi ka 2.5 kuya ka 4.2 kg. Ncila wa xona wu lehe 300-410 mm. Muhlovo waswona wafana eka hinkwaswo laha wunga braweni yo dzwihala na nhompfu yovoningela nyana. Miri wa xona wuntsongo kasi ncila wuna voya byo leha. Tindleve titshame kahle laha nhlokweni.
Rhambu ra xona ra nhloko rikurile kasi nhompfu na nomo swikoma swinene. Xihadyani lexi xina byongo bya kahle leswi endlaka leswaku xikota kutirhisa kahle minwala ya milenge yale mahlweni, minsiha no nuhetela laha kungana swakudya. Leswi hiswona swiendlaka leswaku Nkala leyi tshamaka ematini yikota kudya makheche naswin’wana leswingana nhlonge yo tiya. Matinu ya xona yatiyerile kukota ku faya swihadyana leswingana nhlonge yo tiya.
Swakudya
Nkala leyi yale matini yidya swihari leswithamaka ematini kufana na kheche na hlampfi minkarhi yin’wana na machela. Swinwana swaleswi xidyaka swikatsa makondlo, na timhunti switsariwe tani hiswakudya leswi dyiwaka hi xihadyani lexi hambi leswi swinga tivekeki leswaku himpela swiva swidlayiwe hi Nkala kumbe e-e.Kutswalana
Nkala ya xisati yitswala kambirhi hi lembe laha kutswariwaka kutlula n’wana un’we hinkarhi kuya hinguva. Vana vakona vasungula kudya swakudya endzhaku ka nhweti kusukela loko vatswariwile, kasi swisungula kupfula mahlo na tindleve endzhaku ka khume wa masiku. Maendlelo ya xona loko swita eka timhaka ta masangu aswitiveki kahle kambe kutiveka ku Nkala yitswala kambirhi hi lembe exikarhi ka tinguva letinga oma na loko kuri na timpfula.
Leya xisati yi aka xisaka hi byasi byo oma enkeleni. Kasi loko kuri hava nkele xisaka xiendliwa hibyasi na swimhandzana. Kwalomu ka vana vanharhu vatswariwa kuya hileswi swinga lavisisiwa xiswona. Minkarhi yin’wana Nkala yavumbirhi yikota ku pfuneta kuhlayisa vana. Vana valumuriwa ivi vasukela vatswari endzhaku ka tinhweti nyana.
Mahanyelo
Nkala yitala kutshama yoxe eka tindzhawu letingana mati naswona ti hanya ngopfu navusiku. Nkala yitala kulandzelela tindlela letinga basa swinene leti tikombaka tiri na laha tiyaka kona. Minkarhi yotala kuva kuri tindlela leti yaka emilambyeni kambe yikota kutumbela emabyasini yoleha swinene. Nkala yitala ku ganama hi xikosi yiyimisa milenge ingaku yo hlamba laha yikombaka muhlovo wa pink lowunga rhandzeriwa hi voya byo dzwihala.
Lahaya ka muhlovo wa pink hikona ku kokaka swinyenyani switwa ingaku iswakudya. Loko xitsuneleriwa hi nala wa xona xa bonga no vukula. Loko Nkala yikarhatekile yihumesa mati ya risema leswaku yita chavisa nala wa yona. Hambi loko Nkala yitsakile kuna huwa leyi yiyi baka kukomba ntsako. Himinkarhi yotala Nkala yitala kufamba yoxe.