Xana iyini Dragon Fruit
Dragon fruit i muhandzu wa nsinya lowu phasaphasanaka wu welaka eka ndyangu wa cacti (Cactaceae).Wutlhela wu tiveka tani hi pitaya kumbe strawberry pear naswona i muxaka lwou tumbulukaka emaitkweni ya Mexico, Central America na South America.
Misinya leyi khandziyaka marhavi yan’wana ya cactus, yina timintsu leti nghenaka ehansi, wuhumelerisa muhandzu lowungana mahanti lowu tikaka exikarhi ka 150 na 600 g naswona wusukela eka lowotshuka kuya eka pink kuya eka wa xitshopani hi muhlovo. Enhoveni, wu seketeriwa hi misinya, naswona wu hundzuke nsinya lowu nghenelelaka swinene eka matiko yotala, kukatsa nale ka tindzhawu tin’wana ta Afrika Dzonga. Eka vurimi bya mapurasi, ku tirhisiwa maendlelo ya trellising tani hi nseketelo kuwu pfumelela kukula xikan’we na ntshovelo lowu olovaka.
Dragon fruit wutala ku dyiwa wukarhi wutsakama naswona wukahle loko wurikarhi wu titimela. Nhlonge leyi yobumbula ya olova kuyi vandla leswaku kuta huma swale ndzeni swobasa kumbe pink kuya eka swotshuka leswingana mbewu yantima endzeni.
Tinxaka Nxaka ta Dragon Fruit
Nhlonge ya dragon fruit yinga sukela eka pink kuya eka xitshopani, kasi swalendzeni swingava swobasa, pink wo basuluka kumbe wo vangama kumbe kutshuka swinene na mbewu yantima endzeni leyifanaka naya muhandzu wa kiwi.
Switala kuva switshembiwa leswaku nantswo wa dragon fruit wutala ku fananisiwa na muhlovo wale ndzeni ka wona. Swale ndzeni swo basa swina nantswo wale xikarhi loko muxaka wa pink kumbe wotshuka wuri naku nyanganyela wutlhela wuva na juzi ya kahle. Hiku tumbuluka ka tinxaka leti dzungaka, kutshemba loku kungaka kungaha tirhisiwi.
Kuna tinxaka tinharhu leti rimiwaka hi xitalo ta dragon fruit; nhlonge ya pink-kuya kotshuka leyingana kotshuka endzeni, muxaka lowu kalaka wa nhlonge ya xitshopani wubasa endzeni na wa pink-notshuka dragon fruit wobasa endzeni.
Sweswi (2019) tinxaka timbirhi letikulu ta dragon fruit ta rimiwa e Afrika Dzonga Hylocereus undatus letinga basa endzeni na Hylocereus costaricensis lowunga tshuka endzeni. Hivumbirhi mixaka leyi yina nhlonge ya pink-notshuka, kambe lowa pink endzeni Hylocereus costaricensis wuna nhlayo yale henhla ya chukele naswona wuna ndhuma swinene.
Muxaka lowu wa xitshopani wa dragon fruit Hylocereus megalanthus wu humesa mabilomu hi xixika. Wuntsongo naswona wukula kantsongo loko wu pimanyisiwa na tinxaka letin’wana naswona wu chava ngopfu switsotswana na mavabyi. Wunyanganya kutlula lowa nhlonge yotshuka. Maxelo ya Afrika Dzonga ya endla leswaku muhlovo lowu wa xitshopani wungavi kahle kuwu humelerisa laha kaya.
Tinxaka tintshwa kusuka e South America xikan’we na tin’wana letinga tumbuluka e California, ta byariwa laha Afrika Dzonga kuteka vundzhawu bya leti ta ndzhavuko ta laha Afrika Dzonga leti nyanganyaka.
Tinxaka tin’wana ta dragon fruit tofana na ‘Ruby Red’ e Indonesia tiva na mihandzu kusukela hi January kuya fika hi December. Xiyimo xa laha Afrika Dzonga hambiswiritano, axi lulamelangi vuhumelerisi bya lembe hinkwaro naswona muxaka lowu wutshoveriwa hi tinheti ta ximumu.
Translated by Ike Ngobeni