Swigalani
Swigalani swovevuka swinga hanya exivaleni xatinguluve, eminkeleni yatinguluve ta nhova na le makaya ya vanhu kasi leswo tsindziyela swikumeka laha swiharhi swidyelaka kona. Swigalani switala ku huma navusiku kutani switswonga ngati ya tinguluve, vanhu na swiharhi swinwana. Exikarhi ka siku, switumbela laha kunga pandzekela kumbe ehansi ka misava. Aswi vangi ntsena mavabyi ya anaemia naku hlohlonyiwa ntsena, leswi swingavaka na xiave xobiha eka swakudya leswi dyiwaka kutani swivanga mavabyi yanwana, kambe swinga tlhela swirhurhela African swine fever.Kutshungula
Kutshunguriwa ka tinguluve swingava swinga ringaelanga, swivala swatona swita fanele ku fafazeriwa naku basisiwa. Vutisa Dokodela wa swiharhi kumbe animal technician kuva aku nyika nongonoko naku veka tinguluve endzhawini yin’we naswona tiva kule na tinguluve ta nhovana swifuwo swinwana leswinga vaka na swigalani.
Tinhongani
Tinhongani ato nyangatsa ntsena kambe tinga rhwala mavabyi naku ya chela. Tinhongani tintsongo naswona titshama laha kungana leswinga bola, manyoro kumbe vulongo. Tishama eka tinguluve, titswonga ngati ya tona naswona tinga fambisa African swine fever exikarhi ka tinguluve.Blowflies ita xiyimo xale xikarhi naswona minkarhi yinwana ita muhlovo wo hatima wa wasi kumbe rihlaza. Titswalana eka vulongo kumbe swilo leswinga bola, kukatsa na swiharhi leswinga fa, tidya swilondza swa tinguluve naswona tisivela swilondza kuva swihola.
Houseflies tina voya naswona ita xiyimo xale xikarhi. Tihanya hi vulongo, swilo swa fresh kumbe leswinga bola naswona tinga fambisa mavabyi exikarhi ka tinguluve.
Kutshungula
Kutala ka tinhongani swifanele ku siveriwa hiku tiyisisa leswaku ndzhawu yitshama yibasile xikan’we naku tiyisisa leswaku akuna tindzhawu leti tingata andziselana kona kusuhi na swivala. Eka buku ya South African Pork Producers Organisation’ Pigs for profit manual, ku tsutsundzuxiwa leswaku van’wamapurasi vafanele vafafazela swilondza hiku tirhisa ti spray taku chavisa tinhongani kumbe vatota mafurha eka swilondza swa tinguluve kuva vasirhelela swilondza eka tinhongani. Ku hayeka matluka yo oma, tiplastiki kumbe malapi ku endla ndzhuti swinga pfuna ku hlongola tinhongani kuya ekule na tinguluve.
Tinhwala
Tinhwala i switsotswani swintsongo swinene leswi tlulatlulaka. Hambi leswi tinhwala tinga tshameki tirhwala mavabyi, nhlaselo lowukulu wunga tisa mavabyi ya anaemia hikuva titswonga ngati ya tinguluve. Titala kutumbela laha kunga pandzekela endzeni ka xivala kumbe ehansi ka misava.Kutshungula
Tihlanganise na animal health technician kumbe Dokodela wa swiharhi mayelana na dip kumbe mapa lawa tirhisiwaka kususa tinhwala eka swiharhi swinwana, kufana na swiharhi swale kaya leswingavaka natona.
Translated by Ike Ngobeni