Switsundzuxo eka Swikambelo swa Mintirho yale Mapurasini

© Andile Bhala
Hi xitalo vantshwa lava lavaka ku sungula mapurasi vasungula hikuya tirha kun’wana emapurasini vakuma ntokoto. Future Farmers Foundation i nhlangano lowu endlaka swikambelo xikan’we naku veka vakomberi va mintirho eka mapurasi leswaku vata kuma ntokoto eka swa mapurasi. Loko va hetile mintirho leyi ya nkarhinyana e Afrika Dzonga, votala va vanhu lava vaya vaya hetisisa kukuma ntokoto wa ntirho eka mapurasi yale matikweni yale handle. Musunguri wa nhlangano, Judy Stuart xikan’we na van’wana van’wamapurasi va mundzuku lava vanga heta ku tokota ntirho va avelana hi switsundzuxo leswi tiyisisaka kuhumelela eka swikambelo swa ntirho.

Aku Laveki ti Cellphones eka Swikambelo

Ti cellphones atina ndzhawu nakan’we loko munhu ari eka xikambelo xo kuma ntirho. Yi timi kumbe uyisiya ekaya. Ku hlamula foni uri eka xikambelo xa ntirho swikombeta ku pfumala nhlonipho na matikhomelo yo biha. Loko uri eku laveni ka ntirho u fanele kuva u fika hinkarhi, uva komba leswi ungata tirhisa swona xikan’we naku komba nhlonipho.

Vana u Basile

Hlamba u basa u tlhela u tiyisisa leswaku u nuhela kahle. Ambala swiambalo swobasa. Unga ambali mangilazi yo sivela dyambu. Eka vavanuna, kufika u boe na tindleve kumbe nhompfu xikan’we na misisi yoka yinga tshamisekangi aswinge kupfuni kuva u kuma ntirho loko u lava ntirho wale purasini.

Nwayitela

Ungava u chuhile exikarhi ka xikambelo xa ntirho kambe ringeta hi matimba kuva u n’wayitela. Sweswo switaku veka eka xiyimo xa kahle. Swikahle ku tirha na vanhu lava vanga tsaka - va endla leswaku un’wana na un’wana loyi anga ekusuhi nayena a tsaka xikan’we nakuva kutsakisa entirhweni. Ringetela kotala ndlela leyi u tlhavulaka hikona hi voko-tiyisisa leswaku voko ritiyile. Leswi swikombeta kutitshemba, hambi loko unga ti tshembhi.

Tshama Kahle

Loko u tshama e hansi, tshama u lulamela e henhla. Loko u tshama u goveka exitulwini, swinga languteka onge awuna kutsakela kumbe u borhekile. Swapfuna swinene kuva u voyamela nyana e mahlweni leswaku utakota kuva languta ematihlweni ngopfu ngopfu munhu loyi aku vutisaka swivutiso.

Vutisa Swivutiso

Loko urikarhi u endla swikambelo swa ntirho, uta vutisiwa swivutiso, leswi u faneleke ku swihlamula. Kambe nawena ufanele kuva u vutisa swivutiso. Endla vulavisisi byokarhi hi purasi rer xikan’we na xivandla lexi unga tela xona eka xikambelo lexi. Kuva u tiva swotala swinene hi purasi xikan’we na loyi aku vutisaka swivutiso swi endla leswaku uva eka xiyimo xa kahle. Unga vutisa swivutiso hi purasi rero; leswi switava kombeta leswaku una ntsakelo swinene naswona utiva swotala. Ku kombeta ntsakelo swinene hi purasi rero, swiendla leswaku navona vava na ntsakelo eka wena, tani hi munhu loyi a kombelaka ntirho.
Uta tlhela u dyondza swotala swinene hi ntirho walowo naswona unga tlhela u lava kutiva leswaku kungava kuri leswi u lavaka ku swiendla.
Loko swikambelo swiherile, kombisa malwandla naswona u khensa loyi/lava avaku vutisa swivutiso kuva vaku nyike nkarhi wa vona.

Translated by Ike Ngobeni