Slender Mongoose
Slender nkala
Vito
Slender Nkala (Lexolala) Galerella sanguinea
Xivumbeko
Nkala ya xisati xitika kwalomu ka 575 gr. Naswona iyintsongo eka leya xinuna hikuva yitika 715 gr. Mihlovo yakona yahambana kusuka eka buraweni wo vonikela na buraweni wodzhwihala kuya hilaha swikumekaka kona. Laha khwirini yibasile nyana. Kasi ncila wa yona lowo leha wuna vala rantima e makumu ka wona leswinga xihlawulekisi eka yona. Eka tindzhawu leti kutitimelaka yiva na muhlovo wantima miri hinkwawo.
Swakudya
Nkala yidya swihadyani swofana na makondlo,swikokovikasi minkarhi yinwana xidya swinyenyani. Xitlhela xitiveka hikuva xidya swihadyani leswingariki na marhambu laha nhlaneni.
Kutswalana
Xihadyani lexi xitswala nkarhi wihi na wihi wa lembe kambe kutswala switele ngopfu himikarhi ya timpfula. Kutika ka xona kuteka kwalomu ka 8 – 9 wa mavhiki ivi xitswala kan’we kumbe kambirhi hi lembe laha ku kumekaka nwana un’we kumbe vanharhu.
Mahanyelo
Nkala yitala ku famba yoxe, kambe yaswikota kuva eka ntlawa lowungana mune wa leta xinuna kuva yitisirhelela. Laha tivaka tirikona kutala kuva kuri na leya xisati. Kutlhela kuva na yaxinuna letivaka kona hambi kungari na vuxaka. Vana vakona vasuka vayatilavela vutshamo bya vona.
Vutshamo
Nkala yirhandza kutumbela etindzhawini leti kungana mintsandza kambe kupfulekile hambi leswi tinwani titsakisiwa hilomu kunga tlhuma. Lomu yitumbelaka kona kutala kuva mabaku, ehansi ka maribye na minkele leyi yingaha tirhisiwiki.
Laha xikumekaka kona
Nkala yikumeka eka Afrika Dzonga hinkwaro nale matiko akelana yofana na Namibia, Botswana, Zimbabwe, East na West Afrika.
