Ntivo Mbango wa Richtersveld
Ntivo Mbango
Loko hinga se sungula hiku tiyimisela, a hitekeni nkarhi waku titoloveta hi ndzhawu ya mbango wa hina. Kuya hi vutshamo, ndzhawu ya greater Richtersveld yinga vuriwa kuva yi endla xibokisani e henhla hile ximatsini e khoneni ya tiko ra Afrika Dzonga. Mindzelekani ya xibokisani lexi hileyi yilandzelaka: hile vupela dyambu kuna Atlantic coast, kusuka e Alexander Bay kuya Port Nolloth; hile dzongeni, kuna patu ra R382 leri sukaka e Port Nolloth kuya e Steinkopf; evupela dyambu, kuna patu ra N7 highway kusuka e Steinkopf kuya e ndzelekanini wa Namibia e Vioolsdrift; naswona e nwalungwini, i nambu wa Orange River (kumbe !Gariep, leswi vulaka nambu lowukulu ‘Great River’ hiririmi ra Nama) naswona nambu lowu wuvula ndzelekano wa matiko ya Afrika Dzonga na Namibia.
Kuya hi tipolotiki, dzonga wa Namibia ahi xiphemu xa Richtersveld, kambe kuya hi ecology, swifana ngopfu. Hile tlhelo ra haleno Afrika Dzonga ra ndzelekano, doroba leringa ekusuhi swinene ira Springbok, kwalomu ka 60 km kuya e dzongeni wa Steinkopf e gondzweni ra N7 highway.
Concertina
Richtersveld Community Conservancy yikumeka exikarhi ka xikwere lexi, laha ndzelekano wutsemakanyaka hi madyelo ya rihlaza ra Dzonga na vupela dyambu, eka gondzo ra N7 highway na ntanga wa Nababiep Nature Reseve evuhuma dyambu, na hile tintshaveni ta Vandersterre Mountains hile nwalungwini. Kuhundza e tintshaveni ta Vandersterre Mountains kuna ntanga wa Richtersveld National Park, lowu fikaka e tibuweni ta nambu wa Orange River. Misava leyinga exikarhi ka coast na mintanga leyimbirhi yina vinyi vayona kungari mfumo naswona yitirhisiwa tani hi timayini.
Loko hi anamisa nyana kantsongo, hita vona leswaku Richtersveld yitshame hile ximatsini e khoneni ya ndzhawu ya Namaqualand. Leri i rito leri ringa hlamuseriwaka hi tindlela tohambana swinene. Tani hilaha Willem Steenkamp a tsundzukaka hikona, Land of the Thirst King, ‘Ndzhawu yifana swinene na concertina. Loko u lava kutshama endzeni ka mindzelekani u fanele kuyi tsanyusa kuya fikela e Vredendal. Kambe loko unga lavi kuvitaniwa Namaqualander wa yikama kufikela yihelela e Garies, naswona hiswona sweswo.’
Succulent Karoo
Loko hivulavula hi swirhapa, hambiswiritano, Namaqualand yi hlamuseriwa tani hi ‘xiphemu lexinga tlhuma xa Karoo lexi hlohleteriwaka swinene hi timpfula ta xixika na gamboko’. Ku landzela nhlamuselo leyi, Ndzelekano wale dzongeni wa Namaqualand wu engeteleleka kuya fika e non’weni wa Olifants River, kusuhi na Vredendal, kuya e makumu ka tintshava ta Matsikamma Mountains e Vanrhynsdorp. Ndzelekano wale vuhuma dyambu wona wulandzela Bokkeveld Escarpment, laha wuhundzaka exikarhi ka Nieuwoudtville na Loeriesfontein, kutani wuya e north-west, ku kondza wuya fika e Lüderitz kwale Namibia. Kuya hi vonelo ra tipolotiki, hambiswiritano, Namaqua District Municipality yikatsa tindzhawu totala ta mbango leti tinga erivaleni na Succulent Karoo.
Leswi swivula ku, en’walungwini, wutsutsuma hile tlhelo ka nambu wa Orange River kusuka e Alexander Bay kuya e Pofadder (in Bushmanland). E vupela dyambu, wulandzelela Atlantic shore kuya fika kwalomu ka 35 kms e dzongeni wa Garies. Kusuka kona, wukongoma evuhuma dyambu na kuya e dzongeni wa Hantam Karoo (kukatsa madoroba ya Loeriesfontein, Nieuwoudtville, Calvinia, Sutherland na Fraserburg).
Ntokoto wa Mabilomu ya Ximun’wana
Eku heteleleni, kuya hi mabilomu yale nhoveni, leswi swihumelela ngopfu eka ndzhawu ya Namaqualand hinkwayo, kukatsa na ndzhawu leyi vonakaka onge ayi tswali mihandzu ya Richtersveld. U tlhela u kuma na mabilomu ya nhova e dzongeni wa Vanrhynsdorp, eka leswi twalaka kumbe kuvonaka onge i Cape Floral (kumbe Fynbos) biome. Hambi leswi swinga eka mpfhuka lowukulu wohambana, madoroba ya Springbok na Nieuwoudtville yatala kuva tindzhawu leti rhurhelaka vuyeni lebyitaka kuta tokota mabilomu lawa yo hlamarisa.
Ntanga lowahaku humelelaka wa Namaqua National Park, kusuhi na doroba ra Kamieskroon, i yin’wana ya tindzhawu ta kahle taku vona mabilomu. Tindzhawu ta kahle swinene ta kuvona mabilomu e handle ka Namaqualand tinga kumeka e tintshaveni ta Cederberg, kusuhi swinene na lwandle kusuhi swinene na Elands Bay naswona hile West Coast National Park e Langebaan (ndzhawu leyinga kusuhi swinene nale Cape Town).
Translated by
Ike Ngobeni
