Tindzhawu totala tina vadyuhari votala na vana. Tihomu, timbuti na tinyimpfu aswi olovi kuswivuwa kasi tihuku tava durhela hikuva tilava swakudya swotala leswingavaka nyama leyinga dyiwaka hi vanhu.
Mbuyelo wo fuwa mimpfundla: nyama ya mpfundla yina ti protein totala swinene leswi vulaka leswaku mphakelo wa nyama leyi hambi wuri wuntsongo wuna xiave xikulu. Mimpfundla yilava ndzhawu yintsongo swinene kuyi fuwela kona. Yinga phameriwa kusuka exirhapeni, yinga dya swakudya leswi siyiweke hi vanhu kufana na xinkwa na vuswa. Hambiswiritano swina nkoka swinene kuva vaaki vadyondzisiwa hi mafuwelo ya mimpfundla. Mimpfundla yifanele ku pfaleriwa exivaleni, hikuva yilava kuhlayisiwa, loko yinga hlayisiwi, yinga dlawa kumbe kuti fela hi yoxe.
Kusungula, kulaveka mati na xirhapa xa matsavu xikanwe na vulawuri bya kahle. Mati ya mpfula nawona yalava ku hlayiseriwa endzeni ka madiromu na mathangi. Mati lawa ya mpfula ya tirhisiwa ku cheleta swirhapa leswingata phakela matsavu lembe hinkwaro. Kubyariwa ka matsavu na mitsembyana leyingata phakeriwa lembe hinkwaro.
Ti carrots na xipinichi i swakudya swa kahle swinene. Tinhu, matluka na timintsu swihundzuka swakudya swa mpfundla laha na cauliflower, khavichi na beetroot swinga nyikiwa mpfundla. Parsley yiva swakudya swakahle xikan’we na tonic kasi wild strawberries tihundzuka muri wakahle eka swihadyani leswi. Hay yinga tsemiwa kusuka eka byasi lebyintsongo naswona swina nkoka eka kuphamela mpfundla.
Manyoro kusuka eka mpfundla yatirhisiwa exirhapeni kuya nonisa misava kuva matsavu yata kula kahle. Vana va mpfundla vatirhisiwa kuphamela mindyangu, kuxavisiwa eka lava lavaka ku fuwa leswi tisaka mali emutini. Kumbe kuya tirhisiwa kuhumelerisiwa ka swakudya swin’wana.
Madzovo kusuka eka mpfundla lowu dlayiweke yanga hlengeletiwa ya yisiwa eka lava ya tirhisaka kumbe kutirhisiwa kwala kaya. Sweswo switaya hi khwalithi yakona.
Lawa yangana khwalithi yale henhla swinene ya xavisiwa leswaku yataya humelerisa swimakiwa swinwana naswona yadurha swinene. Swiambalo swotala swa xintu swilava dzovo leri, se dzovo ra mpfundla leringana muhlovo wa kahle kufana na New Zealand Reds yanga tirhisiwa ku endla headdresses na swin’wani.
Madzovo yanga tirhisiwa ku endla ti slippers, karosses kumbe swidloko laha milenge yale mahlweni yi endlaka ti keyrings leti xaviseriwaka vapfhumba. E handle ka nyama leyi tisiwaka hi mpfundla, kutlhuvutsiwa ka dzovo naswona swi vanga mintirho eka vaaki leswinga tisaka mali emutini.
Translated by Ike Ngobeni