Vumunhu bya Ntolovelo
Khale ka murhangeri wa tiko ra United States President Bill Clinton, loyi anga xixima Nelson Mandela hinkarhi wa kutlangeriwa siku ra kuvelekiwa ka Mandela hi 2007.
U pfule nkombiso lowu awu langutane na vutomi bya Mandela na khale ka murhangeri wa vandla ra ANC President Chief Albert Luthuli e tihofisini ta Nelson Mandela Foundation e Johannesburg, Clinton uvule leswaku swa nkoka swinenes hi ndzhaka ya nkulukumba Nelson Mandela hileswaku vumunhu bya ntolovelo bya misava hinkwayo byina nkoka kutlula kuhambana ka kona.
'Ku hambana ka hina ku kahle, ku endla leswaku vutomi byi tsakisa, kambe vumunhu bya hina lebyi fanaka no toloveleka byina nkoka swinene. I xiphemu lexingana nkoka ngopfu eka ndzhaka yakwe hikuva swile ka mbilu yaxiphiqo xin’wana na xin’wana lexi vana na vatukulu va hina vangata hlangana na swona.' Mandela ari kona eka ntirho lowu kambe anga vanga na rito.
Clinton utlhele avula leswaku swina nkoka leswaku vanhu emisaveni hinkwayo vatsundzuka no hanya hileswi ndzhaka ya Mandela yinga switisa naswona kungari moya wayona ntsena. Utlhele aku uringetile ku vhaka etikweni ra Afrika Dzonga lembe na lembe himinkarhi leyi aku tlangeriwa siku ro velekiwa ra Mandela. ‘Ndzi lava ku vona munghana wa mina naswona arina nhlohletelo swinene eka leswi ndzi nga swiendla.’
Translated by Ike Ngobeni