Nelson Mandela o fudugetse kwa Orlando West ka 1946 fa a ne a nyala mohumagadi wa gagwe wa ntlha, Evelyn Ntoko Mase. Ba ne ba tlhalana dingwaga di le somenngwe morago ga fao. Ka 1958 mohumagadi wa gagwe wa bobedi, Winnie Madikizela, o ne a dula le ênê, fela o ne a dula fela fano dingwaga tse dingwe di le tharo pele a tshwarwa ka 1961.
E agilwe jaaka karolo ya thendara ya puso kwa Johannesburg ka 1945, ntlo ya lolapa lwa ga Mandela e ne e na le marulelo a thini, boalô jwa semente, phaposi ya boapêêlô e tshesane le ntlwana-boithusetso ya emere kwa motsheông. Kamore ya borobalo e ne e le nnye mme bolao bo ne bo tletse kamore yotlhe.
Morago ga go gololwa ka 1990 o ne a boela kwa ntlong sebaka sa matsatsi a le 11 pele a fudugela kwa ntlong e e kwa Houghton. Fa a ne a le kwao o ne a kopana le baagi ba selegae mmogo le balosika mme a fana ka lefoko go babegadikgang ba boditšhabatšhaba. Gompieno ntlo enô ke lefelo-ngwaô la botlhe, le le tlhokometsweng ke ba Soweto Heritage Trust.
“Ga re batle kgololosego ntle le senkgwe, ebile ga re batle senkgwe ntle le kgololosego.” ~ Nelson Mandela
Brenda Fassie yo o amegileng maikutlo, setswerere sa mmino wa pop, o itlampurela ka Mandela....
Mandela o ne a ratwa ke batshegetsi ba gagwe mme e le sesupo sa kgololosego go botlhe. Ka nako dingwe o bonwa jaaka modingwana mo Afrika Bor...
Mandela o abelwa Lokwalo lwa Tlotlomatsô lwa Bongaka kwa University of Witwatersrand kwa Johannesburg....
Balwela-kgololosego ba ba farologaneng, go akaretsa Nelson Mandela, yo e neng e le rramolao ka nako eo, ba ne ba latofatswa ka boepapuso ka ...