Nelson Mandela u rhurhele e Orlando West hi 1946 loko a tekana na nsati wayena wosungula, Evelyn Ntoko Mase. Va hambanile endzhaku ka 11 wa malembe. Hi 1958 nsati wakwe wa vumbirhi, Winnie Madikizela a rhurhela emutini lowu, kambe u tshame kona kuringana malembe ya nharhu ntsena loko nuna wa yena anga se khomiwa hi 1961.
Ayi akiwe kuya hi leswi mfumo awu akisa swona tiyindlu ta wona e Johannesburg hi 1945, yindlu ya ndyangu waka Mandela ayi fuleriwe hi mazingi, laha hansi yiri na semende, khixi rintsongo kasi xiyindlwani aku tirha lexiya xa mabakiti endzhaku ka yindlu. Kamara ro etlela ariri rintsongo swinene hikuva mubedo lowukulu awu teka ndzhawu yikulu.
Endzhaku kaloko atava a humile e jele hi 1990 uvuyele eka yindlu leyi kuringana 11 wa masiku loko anga se rhurhela eka yindlu yayena yintshwa yale Houghton. Loko a fikile kona u hlanganile na vaaki kuloni xikanwe na ndyangu laha anga burisana na vateki vamahungu kusuka ematikweni. Yindlu leyi sweswi yitekiwa tani hi ndzhawu ya matimu laha yi vhakeriwaka hi mani na mani, yilawuriwa hiva Soweto Heritage Trust.
“Akuri himinkarhi leyi yo leha xikanwe naku tshama ndzexe kuringana malembe leswinga endla leswaku ndlala yaku ntshuxeka ka vanhu va hina yi hundzuke ndlala ya ntshuxeko wa vanhu hinkwavo.” ~ Nelson Mandela
Brenda Fassie loyi a khumbekile,ntlhambi ya ndhuma ya Afrika Dzonga ya vuyimbeleri bya pop, a vukarha Mandela....
Mandela a rhandziwa swinene hi vaseketeri va yena naswona ari xikombiso xa ntshuxeko eka vanhu hinkwavo. A langutiwa tani hi xivumbeko xa xi...
Mandela akuma Honorary Doctorate e University ya Witwatersrand e Johannesburg....
Valwela ntshuxeko lava, kukatsa na, Ruth First, Z.K. Mathews na Lionel "Rusty" Bernstein vapfapfarhute no amukela Freedom Charter leyi ayi v...