Ngetekulima, balimi badzinga kancane kancane batsatsele etimeni tengucuko. Leti timo tetingucuko tingafaka kunyuka nekuhliswa kwemali yagasolina, tinhlavu, kupakisha kanye nekudla, tincumo letinsha letentiwako naletifakwe nguhulumede, bagucule simo semakethe kanye netindlela letinsha tekukhicita. Kunakekela lokuhle kwekulima kuvumela balimi kutsi baphendvule kancono kuletingucuko kwentela kutsi banakekele kubita, nekutsi bakhulise imali labayakhako noma lengenako.
Umlimi njenge Mphatsi
Lomlimi unetinzima letimbili, njengemphatsi welipulazi kepha phindze njengemlimi. Lolwati lwekulima lwalomlimi noma umnikati welipulazi luyabonakala kakhulu, kepha lokunakekelwa kwalelipulazi lingekuhlelwa, kutsatfwa-kwesincumo kanye nekunaka kuhleleka kanye netincumo.Kunakekela lipulazi, lomlimi kumele ahlele titnfo letitsite, ahlele kutsi utotitfola njani tintfo latifunako, asebente kahle loluhlelo, alungise letintfo latosebenta ngato – tisebenti, imali, indzawo – aphindze agcine kunaka ngetulu kwawowonkhe lomsebenti.
Tintfo letimcoka kakhulu tekunakekela lipulazi kutsatfwa-kwesincumo. Tincumo tingahambela kusuka lapho khona ufuna sitjalo longasihlanyela, nekutsi siniselwa nini, nekutsi ungayitsengaphi imfuyo, nekutsi ungayitsengisa nini, nekutsi nguyiphi imakethe longayitsengisela, nguyiphi indlela lencono longayisebentisa nekutsi ungakhetsa njani kusebenta lokukhona emkhatsini wekusebenta epulazini.
Tintfo Letentiwko teKunakekela Lipulazi
Kunakekela lipulazi kungafaka letintfo letilandzelako:Tfola tinkinga letikhona kanye nematfuba.
Kukhetsa tintfo letingasebenta.
Kusebenta ngeluhlelo.
Gadza lenchubo yeluhlelo kanye netintfo letingasebenta.
Kuhlanganiswa kwetintfo kwentela kuhlanganisa letintfo lekuhlelwa ngato.
Kala lemiphumela yaloluhlelo.
Indlela Yelwati ye Kunakekela Lipulazi
Kuze balimi bakhone kunaka emapulazi abo, badzinga indlela yelwati. Balimi balitfola kuphi lwati ngekulima? Lwati ngekulima lingachamuka kutintfo letimbili, kusuka ngaphandle kwelipulazi (ngaphandle) kanye nasepulazini lucobo lwayo (ngekhatsi).Tintfo tangaphandle telwati lekulima tifaka iwebsite, ema app ekulima, tincwadzi letinetintfo, emalanga ebalimi, emacembu ekufundza, kuchumana kanye nekusebenta ndzawonye.
Tintfo tangekhatsi tifaka emabhuku emlimi kanye netitatimende temali – tizatfu letimbili tekutsi yini kugcinwakwemabhuku kubaluleke kakhulu.
Emabhuku ekulima avame kufaka emaphepha lafana netintfo letitsengiswako, kubhalwa kwemali lekwenetwako nemali ledzinga kubhadalwa, kubhalwa kwetiliphu kanye netintfo letitsengiwe, emabhuku etisebenti, emabhuku emishina kanye nemabhuku emikhicito lebonwako.
Yini Lwati Lwekulima Lubalulekile?
Lwati lwekulima lumcoka nakukalwa lokusebenta kanye nekuchubeka kwelipulazi ngekuhamba kwesikhatsi. Lolulwati lwakha sisindvo kwentela kucutsanisa kusebenta lipulazi lelisebentako ngeminyaka leyengcile. Kuba nemabhuku elipulazi kanye nelwati lolukhona kungasita balimi bente tindlela labafuna kutizuza phindze bakale simo semali yelipulazi ngekuya kwaloko labafuna kukuzuza.Kungasita lomlimi abuke lapho kunalokucinile nalokumelula kwekulima kwakhe. Kuba nemabhuku lakhanyako na-leme-ngendlela ngekubhalwa ngekwemali kungasita ngekunakekela ngekwemali yelipulazi, emabhuku-lemekahle nanyalo elipulazi angasita umlimi kutsi atfutfuke ngekuhlela kwakhe kwemtselo, acale sisekelo sekufakela kubhuka noma kukhokhela kanye nekunaka kungena kwemali yelipulazi.
Kubaluleke kakhulu kuba nekugadza lokucinile ngemali yelipulazi kwentela kwanti kutsi yini lokucitsile nalokwentile ngesikhatsi losinikiwe emnyakeni.
Translated by Phindile Malotana