Ka go tša temothuo, balemirui ba swanetše go ikamantšha ka go se kgaotše le maemo ao a fetogago. Maemo a a fetogago a ka akaretša ditheko tše fetogafetogago tša makhura, peu, go phuthela le furu, diphetho tše di diswa tše di dirwago le go phethagatšwa ke mmušo, maemo a mmaraka a fetogago le mekgwa ya tšweletšo ye meswa.
Taolo ya polasa ye e botse e kgontšha molemirui go fetola kaone go diphetogo tše di ka nepo ya go laola ditshenyegelo, fokotša dikgonagalokotsi le go oketša dipoelo.
Molemirui Bjalo ka Molaodi
Molemirui o na le dikarolo tše pedi tše kgolo, bjalo ka molaodi wa polasa e fela gape bjalo ka mobjali. Bokgoni bja go molemirui bja go bjala ke bja diatla, eupša taolo ya polasa ke mabapi le peakanyo, go tšea diphetho le phethagatšo ya maano le diphetho.Go laola polasa, molemirui o swanetše go bea dinepo, beakanya gore o tla fihlelela dinepo tše bjang, go phethagatša maano, go rulaganya methopo - bašomi, tšhelete, nako, naga - le go ba le taola mo tshepedišong ka botlalo.
Selo se bohlokwa kudu ka taolo ya polasa ke go tšea diphetho. Diphetho di ka tšwa go bjala dibjalo tše fe, go nošetša neng, go reka diruiwa kae, go rekiša neng, go fepa mmaraka ofe, theknolotši e fe ye kaone ya go šomiša le go aba mošomo o le go gona magareng ga ditiro tša bolemirui.
Mešomo ya Taolo ya Polasa
Taolo ya polasa e ka akaretša ditiro tše di latelago:Laetša kgonagalo ya mathata le menyetla.
Go kgetha ditharollo tše kgonegago.
Go phethagatša leano.
Laola tšwelopele ya maano le tharollo.
Tshepetšo ya ditiro tša go fihlelela maikemišetšo a peakanyo.
Sekaseka dipoelo tša peakanyo.
Ditshepedišo tša Tshedimošo ya Taolo ya Polasa
Gore balemirui ba laole dipolase tša bona, ba hloka ditshepedišo tša tshedimošo. Balemirui ba hwetša kae tshedimošo ka dipolase tša bona? Tshedimošo ya polasa e ka tšwa methopong ye mebedi, go tšwa ka ntle ga polasa (ka ntle) le go tšwa ka polaseng ka boyona (ka gare).Methopo ya tshedimošo ya temothuo ya ka ntle e akaretša diwepsaete tša bolemirui, diepe tša bolemirui, dikwalo tša dimakasine, matšatši a balemirui, dihlophathuto, badiredi le dikhamphani tša mohlakanelwa.
Methopo ya ka gare e akaretša direkoto tša polasa ka boyona le ditatamente tša ditšhelete – mabaka a mangwe a go feta a mabedi a gore ke ka lebaka la eng go boloka direkoto go bohlokwa kudu ka bolemeruing.
Direkoto tša polasa ka tlwaelo bo akaretša ditokomane bjalo ka lenaneo la dithoto la go swarega, rekoto ya tšhelete yeo e kolotwago le tšhelete yeo e swanetšego go lefelwa, direkoto tša ditlankana le ditshenyegelo, direkoto tša bašomi, direkoto tša metšhene le direkoto tša go swarega tša tšweletšo.
Ke ka Lebaka lang ge Tshedimošo ya Bolemerui e le Bohlokwa?
Tshedimošo ya bolemerui e bohlokwa kutu go dira kelo ya mošomo le kgatelopele ya polasa go ya ka nako. Tshedimošo ye e hlola motheo wa go bapiša kgatelopele ya ga bjale ya polasa le mengwaga ye e fetilego.Go ba le direkoto tša polasa le tshedimošo ye e le go gona go ka thuša balemirui go bea dintlha le go sekaseka boemo bja polase bja tšhelete go ya ka dinepo tše.
E ka thuša molemirui go phetha gore dinepo tše maatla le dintlha tše fokolago tša polasa ya gagwe ke tše fe. Go ba le direkoto tša ditšhelete tše di bonalago tse di sepelelanago le go ba tše mpshafaditšwego go ka thuša ka taolo ya ditšhelete tša polasa, direkoto tša diditšhelete tša polasa di ka thuša molemirui go kaonafatša peakanyo ya motšhelo, go hloma motheo wa go dira kgopelo ya sekoloto goba thušo ya tšhelete le go lekola maemo a tshepelo ya tšhelete ya polasa.
Go bohlokwa kudu go ba le taolo ye thata ya tšhelete ya ditšhelete tša polasa ka nepo ya go tseba seo se dirišitšwego le go dirwa ka nako efe goba efe ka mo ngwageng.
Translated by Lawrence Ndou