Inchazelo
iWeisser Riesling yinhlobo yewayini lemhlophe lesetjentiselwa kukhokha liwayini lelinetinhlase kanjalo newayini leyomile lenetitselo, letinongotela kancane nalanongotelako. Ibonwa njenge Nkhosi yase German ensimini yemavini. Labachaza iDNA batfole iGouais blanc njengayinye yebatali beWeisser Riesling, kepha kuchaza lalabanye batali akutfolakali kahle, ngekucombela njekutsi kungaba yinhlobo yeligilebisi lesiganga, Traminer, noma incenye emkhatsini kwenhlobo yelihlatsi ne Traminer.Lapho Ivela Khona
iWeisser Riesling itfutfukiswe eEurope kusuka Phakatsi Kweminyaka futsi ibukeka ngatsi ivela eSigodzini sase Rhine lese Germany. Yatfola imphumelelo yayo ndvulo wa 19 na 20 uma intsengo yayo lewayini ifananiswa ne Burgundy yelidvumo ne Bordeaux. Kuhlangahlanga kwentsengo, nomakunjalo, kwakhula uma bakhiciti batsatsa leligama bentela leletinye tinhlobo kutsi tihambe nemphumelelo yemakethe yeWeisser Riesling, njengoba kwenteka la Ningizimu Afrika.Lamanye Emagama/Emabito
Lamagama lafanako afaka: Rhine Riesling, Petot Riesling na Ryn-Riesling.Kukhicita la Ningizimu Afrika
Inhlayiya yekucala ye Weisser Riesling yaletfwa la Ningizimu Afrika ngeminyaka ya 1960 yakhululwa kwentela inkhicito yemakethe phakatsi kwemnyaka wa 1970. Yinye yetihibe letabamba lenhlobo kwakukuphazamiseka kwemakethe emkhatsini wayo ne Cape Riesling, le empeleni akusiyo iRiesling kepha yi Crouchen.Kuchaza lokusangana, umtsetfo walungiswa ngemnyaka wa2010 kwentela kutsi leligama la Riesling lingachaza emawayini lakhicitwe ku Weisser Riesling. Bakhiciti labangibo be Weisser Riesling la Ningizimu Afrika, basungula iNhlangano ye Just Riesling kwentela kuphucula sigaba nenkhaphunkhaphu yalenhlobo.
Tigodzi Lekukhicitwa Kito
Lapho umvini weWiesser Riesling utfolwa kutindzawo tonkhe letikhicitako takulelive, lendzawo lelapho kukhicitwa khona yincane. Lining laletinsimu litfolwa eStellenbosch, kulandzele iCape South Coast kanye ne Paarl. Lenhlobo ikhulu ngaphansi kwesimo selitulu lesipholile.Kukhula/Kuhluma
Ikhula ngalokulinganako, nelikhono lelisemkhatsini lekuya etulu lelihambela emkhatsini welishumi lema t/ha kuya eshumini nakubili ngema t/ha.Kuvutfwa
Emagilebisi avutfwa ngesikhatsi lesisekucaleni sawo, kusuka ekupheleni kwenyanga yeNdlovana kuya ekucaleni kwenyenga yeNdlovu.Emagungumence
Emagungumence ayindingilizi, mancane kuya emkhatsini ngelinani phindze inelibala leliluhlata lokhanyako kuya mtfubi losaluhlata. Letigogo tincama phindze ticinile, ibe lenyama ilula futsi inejusi.Emacembe
Tilokatane Nemagciwane
iWeisser Riesling iyaba ne botrytis kanye nekubola lokumunyu.Kusetjentiswa
Kulendzawo, ivame kusetjentiswa ekwakheni iwayini leyomile noma iwayini yasemuva kwemadina eNoble Late Harvest noma iNatural Sweet styles.Kuvelela
Lenhobo ikhokha iwayini lehambela kusuka kulutsi lelihhwabile kuya kumtfubi losagolide ngelibala. Yakha/yenta liwayini leliphunga lelisime kahle ngetimbali noma ngesicumbi setitselo nekubabababa nesinongo se muscat.Translated by Phindile Malotana