Nhlamuselo
Weisser Riesling i madiriva yo basa lawa ya tirhisiwaka ku endla wayeni ya sparkling xikan’we na letinga nyanganyeku, to nyanganya kantsongo na to nyanganya swinene. Ya vonaka yari hosi emasin’wini ya madiriva e Germany.Vulavisisi bya DNA byi kume leswaku Gouais blanc hiyin’wana leyi welaka eka vatswari va Weisser Riesling, kambe mutswari lowunwana anga tiviwi, laha kungo hleketeleriwa leswaku mutswari lowunwana swinga endleka kuri madiriva yale nhoveni ya, Traminer, kumbe kuri nkatsakanyo wa madiriva yalawo xikan’we na Traminer.
Ntumbuluko
Weisser Riesling ayi byariwa swinene ematikweni ya Europe kusukela eka malembe yale xikarhi naswona swivonaka onge yisungule endzhawini ya Rhine Valley e Germany. Yive na kuhumelela lokukulu eka malembe yava 19th na 20th Century loko minxavo ya tiwayeni yitlakukile loko tipimanyisiwa na letinga duma ta Burgundy na Bordeaux.Leswi swivuye swihlanganisa vanhu nhloko loko vahumelerisi vatirhise vito rin’we naleka tin’wana kuva vaxavisa hikokwalaho ka kuhumelela ka Weisser Riesling, leswinga tlhela swihumelela e Afrika Dzonga.
Mavito ya N’wana
Vamavizweni vayona vakatsa: Rhine Riesling, Riesling, Petit Riesling na Ryn-Riesling.Vuhumelerisi e Afrika Dzonga
Weisser Riesling yosungula yitisiwile e Afrika Dzonga himalembe yava 1960s laha yinga sungula kuxavisiwa kwalomuya kava malembe ya 1970s. Xin’wana xa swiphiqo leswikulu leswi ayi langutane naswona akuri kuhlanganisa vanhu nhloko hikokwalaho ka mavito laha avapfa va ehleketa leswaku yafana na Cape Riesling, leyi kuya hintiyiso yingariki Riesling naka ntsongo kambe i Crouchen.Ku lulamisa xihoxo lexi, kuvuye ku cinciwa milawu hi lembe ra 2010 leswi aswivula leswaku vito ra Riesling rita vula ntsena wayeni leyi humelerisiwaka ntsena e Weisser Riesling. Vahumelerisi vaxiviri va Weisser Riesling e Afrika Dzonga, vavuye va endla nhlangano wa Just Riesling Association ku lemukisa vanhu no engetelela ntsakelo wa muxaka lowu wa wayeni.
Tindzhawu ta Vuhumelerisi
Hambi leswi wayeni ya Wiesser Riesling yakumekaka eka tindzhawu hinkwato ta vuhumelerisi e Afrika Dzonga, tindzhawu takona tintsongo swinene. Masimu yotala yakumeka e Stellenbosch, kulandzela e Cape South Coast nale Paarl. Misinya leyi yihanya kahle eka maxelo yo hola swinene.Ku Kula
Nsinya lowu awukuli ngopfu, wuna kuvuyerisa kakahle exikarhi ka 10 t/ha kuya eka 12 t/ha.Ku Vupfa
Madiriva ya wona ya hatlisa kuvupfa emasunguleni ya nguva, kusukela emakumu ka February kuya emasunguleni ka March.Mihandzu
Mihandzu yakona iya xirhendzevutani, yintsongo naswona ayikulangi ngopfu yitlhela yiva ya rihlaza rovonikela kuya eka xitshopani hi muhlovo. Nhlonge yakona yilarile swinene yitsindziyela laha swale ndzeni swinga vevuka na juzi yotsokombela.Matluka
Matluka iya xirhendzevutani, aya kulangi ngopfu, yadzwiharile naswona yana swiave swa ntlhanu.
Switsotswana na Mavabyi
Weisser Riesling yi karhatiwa swinene hi botrytis naku bola.Switirhisiwa
Laha kaya, yitirhisiwa ngopfu ku endla tiwayeni toka tinga nyanganyi kumbe ta muxaka wati dessert wine letinga eka Noble Late Harvest kumbe Natural Sweet styles.Nantswo
Muxaka lowu wuhumelerisa tiwayeni kusukela eka pale straw kuya eka yellow gold hi muhlovo. Yi endla ti wayeni letinga kahle swinene letingana aroma na nuhelo wa mabilomu na mihandzu xikanwe na nantswo wa muscat.Translated by Ike Ngobeni