Ihlathululo
I-Weisser Riesling mhlobo omhlophe wamaderibe wewayini asetjenziselwa ukukhiqiza amawayini kanye nama-light fruity dry, wesiquntu sobumnandi nalawo amnandi. Abonwa njenge-King of German vineyards. Ihlaziyo lehlelo lokuhlola ifuzo (DNA analysis) liveze bonyana i-Gouais blanc ingenye yabazali be-Weisser Riesling, kodwana umzali omunye akaziwa, kanti-ke kunezwango batjho ethi kungenzeka kube maderibe womango, i-Traminer, isuselwa emivangweni ophakathi komhlobo lo kanye ne-Traminer.Imvelaphi/Indabuko
I-Weisser Riesling itjalwe khulu e-Europe ukusuka ngesikhathi se-Middle Ages begodu kubonakala kwanga idabuka e-Rhine Valley, e-Germany. Wafeza ipumelelo ekulu khulu ngesikhathi se-19th kanye ne-20th Century lapho iintengo zomhlobo lo begade ziqathaniseka nalezo ze-Burgundy kanye ne-Bordeaux.Ukuhlangahlanganiswa kweemaraga, nokho wathuthuka ngemva kokobana uthathe igama elifana neleminye imihlobo ukwenzela ukuqaqada phezu kwepumelelo ye-Weisser Riesling’ begodu kwenzeka neSewula Afrika.
Amanye Amagamawo
Amanye amagamawo afaka hlangana: i-Rhine Riesling, Riesling, Petit Riesling kanye ne-Ryn-Riesling.Umkhiqizo weSewula Afrika
Imihlobo le ye-Weisser Riesling yokuthoma yalethwa eSewula Afrika ngomnyaka ka-1960s begodu yakhitjhwelwa ukuthengiswa phakathi kwabo-1970s. Esinye seenqabo zomhlobo lo zokuthoma bekukuhlanganahlangana kweemaraga phakathi kwawo ne-Cape Riesling, nekukuthi eqinisweni akusiyo i-Riesling nakancani kodwana yi-Crouchen.Ukurarulula ukuhlangahlangana, kwatjhugululwa umthetho ngomnyaka ka-2010 ukwenzela igama elithi-Riesling lingahlathulula iwayini ekhiqizwe nge- Weisser Riesling. Abakhiqizi abakhulu be-Weisser Riesling eSewula Afrika, ukusuka lapho babumba i-Just Riesling Association ukwenzela ukuwuthuthukisa kanye nokwandisa ikanuko yomhlobo lo.
Umkhiqizo Weemphande
Njengombana iimvini ye-Wiesser Riesling itholakala kiyo yoke indawo yomkhiqizo enarheni le, indawo lapho ukhiqizwa khona incani khulu. Inengi lamasimawo litholakala e-Stellenbosch, okulandelwa yi-Cape South Coast kanye ne-Paarl. Umhlobo lo uthela kuhle khulu ngaphasi kobujamo obupholikeko bezulu.Ukukhula Kwawo
Mhlobo okhula ngesilinganiso esiphakathi kanye nomkhiqizo wenani elisuka ku-10 t/ha to 12 t/ha.Ukuvuthwa
Amaderibe avuthwa ekuthomeni kwesikhathi sonyaka, ukusuka ekupheleni kwenyanga kaMhlolanja ukuyela ekuthomeni kwakaNtaka.Amamomori
Amamomori arondo, mancani anesilinganiso esiphakathi sobukhulu begodu anombala ohlaza okukhanyako ukuyela kosarulana. Amakelo amatsikana begodu aqinile, kuthi ingaphakathi lawo lincince amanzi begodu lithambathambile.Amakari
Amakari arondo, anesilinganiso esiphakathi sobukhulu begodu anombala ohlaza okumnyama kanye neencenye ezihlanu zeempenda.
Iintjhabalalisi kanye Namalwelwe
I-Weisser Riesling ihlukunyezwa khulu kubola i-botrytis kanye nalokho okunambitha kumbi.Umsebenzawo
Enarheni le usetjenziselwa khulu ukwenze umhlobo wewayini ebizwa nge-dry wine nofana i-dessert wines nge-Noble Late Harvest nofana e-Natural Sweet styles.Inambitho
Umhlobo lo ukhiqiza imihlobo yamawayini ukusuka ku-pale straw ukuya kosarulana kwegolide. Yenza amawayini anzinze kuhle womnuko omnandi kanye nenambitho lamathuthumbo nofana elinothileko lesithelo kanye na-subtle peppery kanye ne-muscat.Translated by Johannes Nkosinathi