Sivundziso Sendalo kanye Nalesakhiwe, Umcuba kanye naManyolo

Sivundziso Sendalo

©Louise Brodie
Sivundziso sendalo sakhiwe ngetintfo letibolile letiphuma etintfweni letiphilako letakh umcuba futsi tingahlanganiswa nabomanyolo labahlanganisiwe. Lendlela yekuhlanganisa ivela ngekwenta kwetintfo letincane letisesesihlabatsini lokwenta emanutrients kuletintfo letikhona kwentela kubanjwa nguletitjalo. Sivundziso sendalo sifakwa emhlabatsini ngendlela yemvelo, ngendlela yesigada lesicinile noma ngetinhlavu letincane. Tivundziso tendalo tikhokha emanutrients ato kancane emhlabatsini futsi kumele tikhone kufakwa kulendzawo yesitjalo kahle ngaphambi tidzingwe nguletitjalo. Loku kutovimbela kungabi nesikhats lesenele sema nutrient kutsi kuhlume titjalo noma inhlanyelo.

Umcuba yintfo leyakheka ngesikhatsi tintfo tendalo tihlanganiswa futsi tivumelwa kutsi tente umcuba.
Manyolo bulongo betilwane letiphilako lobutsiselwe ndzawonye wase ufakwa emhlabatsini kwentela kukhulisa tintfo letincane.

Sivundziso Lesakhiwe

Sivundziso lesakhiwe noma sivundziso semakhemikhali yinhlanganisela leyentiwe yencenye lemcoka kanye nagasolina lowakhiwe ngemalahle, lokuhlanganisiwe nalokwakhiwe ngetintfo letibekiwe letidzingwa tinhlanyelo letiningi kanye netimo. Sivundziso semakhemikhali sisheshe sisebente kunaleso sesivundziso sendalo futsi siyatfolakala kulesitjalo ngekushesha ngemuva kwekufakwa. Sivame kufakwa ngetinhlavana letincane noma ngendlela yemanti. Kusetjentiswa kwemakhemikhali noma sivundziso sekwentiwa kungachubela ekwakhekeni kweluswayi kanye nekwakheka kwetintfo letincane letiphilako kancane emhlabatsini, lokwenta kucengeka kwemhlabatsi. Lokukubulaleka ngekufaka tintfo tendalo letifana nemcuba noma manyolo emhlabatsini kanye nangekuhlanyela kanye nekukhulisa tinhlanyelo letihlala tiluhlata kufana nemantongomane lasemahlangeni, irye ne oats kanye nekuhlanyela kona emhlabatsini futsi.
Umbhalo
Kusebentiswa lokuhlanganisiwe kwetinhlobo letimbili tesivundziso kunetintfo takhona letitfolakalako njengoba kusakata kucina kwakokokubili phindze kuphunyuke ekukalekeni kwenhlobo yinye noma tintfo letingavumelani. Sivundziso sendalo sivikela siphindze sigcine kuma kwemphilo yendalo kwesihlabatsi kantsi nesivundziso sekwakhiwa kunika tento tekuphangisa kanye nemanutrient langetekile kulesitjalo.

Translated by Phindile Malotana