Legciwane liyakwati kuthulisa esitselweni lize litivete ngeku hamba kwesikhatsi, Titselo tibasematfubeni okungenwa yilegciwane, yiko kubalulekile kutsi titselo tigwenywe ekucaleni. Tinsimu kuyaphoca kutsi tifutswe kugwema letinye tilwanyane letingatfutsetela leligciwane, kubalulekile nokutsi loku kwentiwe sikhatsi sisekhona.
Tikhona letinye tindlela tokuvikela kukhula kwe fungal:
Vala bese ugwema likhula ensimini.
Yehlisa sikali samanyolo ensimini yakho.
Gucula umhlabatsi mase umantana ikakhulu ekuseni.
Zama kutsi emacembe angomi ngokushesha.
Downy Mildew
Legciwane libangwa sifo se fungus, ulibonabona ngemabala emafutsa lamtfubi emacembeni. Esimeni lapho khona kukhona umoya loshisako, kumila ligciwane elimhlophe lelikwasa tiboya emacembeni. Kubola kuvela umuva kwemabala emacembeni, titfutsetelwa umoya ne tulu. Lamabala lamafutsa avela emuva kwemalanga lasihlanu kuya kumalanga lalishumi nesihlanu ligciwane lingenile. Emagala agcwala emafutsa, ngokushesha ome bese ayatiphukela. Emagelebisi langenwe yilegciwane akakhuli, agucuka abe lingangane bese ayatiwela.Legciwane lithulisa emhlabatsini, kantsisikhatsi lesilungele kugwema legciwane kusekucaleni kokulima. Futsa imitsi ligciwane lisengakangeni lakhela, ufutse kabili ngeviki litulu malinetsa, kubalulekile kuvala tistelo kahle ngoba titselo letincane atikwati kugwema tifo. Litulu liwisa emacembe, futsa emabala lanemafutsa angakaveli, futsa emuva kobusuku lobebufudume kwashiya umjuluko lomanti.
Translated By Thandokuhle Motha