Kukhula kwetitfombho tikhuliswe umanyolo losekusikhatsi ufakiwe kungenteka emahlandla laphindzanako, sikali samanyolo lofakwako siya ngokutsi kulinywe siphi sitfombho, kulindzelwe yiphi imiphumela, umhlabatsi udzingane nokutsi umanyolo losetjentisiwe ucukame yiphi imisoco. Kubalulekile kwati imisoco lecukanywe nguloyo manyolo, pH neminye imigomo kute ufakwe ngendlela umanyolo. Kodva kwenta siciniseko kutsi sitselo sisesimeni lesikahle, kungasebentiswa umutsi wemsoco wemacembhe kulungisa lokumoshakele.
Umanyolo lojwayelekile siwutfola ngokuhlanganisa bulongo, titfombho letifile Kanye nemacembhe ato. Kantsi futsi ungacoketela likhula, emagcolo etinye titfombho utisebentise njengomanyolo. Sikali lesitsile Seku gucula i (carbon) ku (nitrogen) siyadzinga kute letitfombho letidzinga kwentiwa manyolo tibole kahle, kutsiwa I (C:N ratio). Kubola kwaletitselo lesetifile kudzinga kufutfumala, umoya, sikhatsi lesanele kantsi nemazinga oku shisa abeku 50-60 sikhatsi lesibaliwe kubolisa likhula kahle. Kubalulekile kutsi manyolo avutswe kahle kute ungashisi timphandze kwehle nezinga lomsoco.