Indlela yekuma yelipulazi yintfo lebalulekile yekunakekela lipulazi. Angeke libe nekusebenta ekunakeni imali yelipulazi kuphela kepha phindze kunekusebenta ngelitubane kanye nebulula ekutsatseni-sincumo ngisho nakumtselo lokumele ubhadalwe ngumlimi.
Ngesikhatsi utsatsa sincumo ngekuma kwendlela yekulungisa kunakekela lipulazi, udzinga kugcina engcondvweni yakho bukhona betimali, luhlobo lwelipulazi, timali tekucala letidzingwa ngulelipulazi, imisebenti lekumele yenteke (imali lekwenetwako), kugiyelana kwemali leyakhiwe phakatsi kwebanikati belipulazi, emandla ekutsatfwa-kwesincumo kanye nekubita kanye nekuhlangahlangana kwemtselo.
Kuze kukhone kukhetsa kuma lokukahle kwekulungiselela lipulazi, cela secwayiso kubameli, labacwayisa ngemali, labasebenta ebhange kanye nalabanelwati ngetemtselo. Letinye timo tekulungiselela emapulazi tichazwe ngentasi.
Kusebenta Wedvwa
Lelipulazi lemuntfu munye (kakhulu lomlimi) lonake lelipulazi. Lomnikati unenombolo ye VAT lecondzane naye futsi ubhekene natotonkhe tincumo latentako kanye nakokonkhe lokumlahlekelako noma lakufunako kwalelipulazi, kepha utfola tonkhe letintfo ngesikhatsi lelipulazi lenta imali.Kusebentisana ePulazini
Kusebentisana kuphetse bantfu babili kuya kulabamashumi lamabili futsi kunekukuvulela kumali yekucala leningi kunaloyo losebenta yedvwana. Kulahlekelwa, kufuna kanye nemali loyakhako nihlephulelana emkhatsini wenu nine lenisebentisanako ekunakekelweni kwekusebentisana. Kusebenta nibebaningi kuma kuphile ngesikhatsi losebentisana naye aphuma noma ashona.Lipulazi njengeNkampani
Litsi likhula lelipulazi, kulungisa kanye nekulinakekela njengenkampani kungaba yintfo leyimphumelelo ngetindlela tekunakekela kanye nekutsela. Emalunga alenkampani (labanemashezi) bahlephulelana imali labayakhile, lebese ihlukaniselwana ngendlela yekulinganisa. Inkampani inekucina ngekuma kwenhlangano futsi lelungele ibhizinisi yekulima lenkhulu. Kuvame kubakhona kutfola imali leningi, lebukwe yibhodi yebantfu labahola lenkampani futsi labangemi kuphila nakwenteka kubakhona sifo samunye wabo lonemashezi.Kubalusito
Lolusito uvame kucala ngelicembu lebantfu ngabanye, kumbe bantfu labasikhombisa, labanetidzingo noma tinjongo letifanako – fana nekutsi, kucala indlela yesitjalo sekwenta ijusi. Leti tidzingo tingaba kutfola kwekufakela lokufana netinhlavu noma kudla lokushiphile ngekuba nemandlal lamaningi. Loku kungatfolwa kancono licembu kunemuntfu ngamunye. Injongo lengiyo kakhulu yekubalusito njengentfo yemnotfo kutsi kubaphakamise emalunga abo ngekubanika imisebenti, kunekutsi bakhulise imali labayakhako. Letincumo letiya ngetincumo tebaphatsi tentiwa ngulabakhulu balabasitako.Lipulazi Njengentfo Leyinhlangano
Inhlangano ivama kucanjwa kwentela injongo yemtselo kanye nekutfolwa (ikakhulu esimeni sebantfwana labangaphansi kweminyaka lelishumi nesiphohlongo) futsi ingafaka ngamunye kuya kumashumi lamabili emalunga, labitwa njengemalunga. Lawamalunga abhekene nekunakekela lenhlangano. Uma lilinga lishona, lokuchubeka kwalenhlangano kushiyana ngekubhalwa kwencwadzi yalenhlangano.Inkampani Lenkhulu Levalekile
Inkampani lenkhulu levalekile yibhizinisi ledulile ngekuma kwayo netintfo letinhle talenkampani, kepha ayisiyo letimisele kakhulu. Lamalunga, langahambela kusuka kumunye aze afike kulalishumi, akacondzani nekufunwa kwetintfo tenkampani noma kulahleka kwenkampani, ngaphandle nangabe basayinwa njengebantfu labafakela imali. Imali leyakhiwako iyahlephulwa ngekuma kwesivumelwano lesabhalwa bese onkhe emalungga asebenta esigabeni sekuphatsa kanye nekutsatfwa-kwetincumo talenkampani lenkhulu levalekile. Inkampani lenkhulu ayikavami kuphila esikhatsini lapho kushona lilunga linye labo.Translated by Phindile Malotana