Umakhiwo weplasi uqakathekile khulu lokha nalitlhogonyelwako. Uwuzokuba nomthelela kwaphela lokha nakutlhogonyelwa imali yeplasi kodwana nekwenzeni msinya ukuthatha iinqunto kanye nekubhadeleni ama-taxi mlimi.
Lokha nawuthatha isiqunto sokobana ngiyiphi ihlangano ehle ongayitlhogomela eplasini, utlhoga ukukhumbula bona ukubakhona kwemali, umhlobo weplasi, iintlhogeko zemali eplasini, imali engenako ukuhlukanisela ngokuphatha, amandla wokuthatha iinqunto kanye nendleko nama-tax kuqakathekile.
Ukobana ukhethe ihlangano ehle ephethe amaplasi, bawa isiyeleliso emagcwetheni, nanyana kumyelelisi wakho wemmali, abasebenzi bebhanga kanye nabosiyazi bama-tax. Ezinye iinhlangano ezijamele amaplasi zitlhadlhulwe ngaphasi.
Sole Proprietorship - Ukuphatha ibubulo Uwedwa
Kulokha iplasi liphethwe mumuntu munye (ekuvamise kobana kubemlimi) olawula iplaseli. Umnikazi weplasi uba nenomboro yakhe ye-VAT begodu nguye othatha iinqunto zoke ezenzeka eplasinapha begodu woke amatleyimi kanye nokuloba okuzowenzeka eplasini lakhe kodwana uthola yoke inzuzo lokha iplasi naliyingenisako.
I-Partnership Eplasini
I-partnership eplasini kulokha kunamalunga amabili ukuya kwalisumi nambii begodu barhona ukuthola imali enengi kanye nemvume yokulawula iplasi babodwa.Inzuzo, izinto ezilotjiweko kanye namatleyimi ziyahlukaniselwana begodu woke amalunga atlhogoela iplaseli. I-partnership ayijami nanyana iphele lokha elinye ilunga naliphumako nanyana libhubha.
Iplasi Njengebubulo
Lokha iplasi nalikhulako, ukulihlela nokulidosa njengebubulo kungaletha inzuzo ekulitlhogomeleni kanye nalokha nakubhadalwa ama-tax. Amalunga wekampani – ama-shareholders bahlukanisela amakonyani, ahlukaniswa ngendlela yama-dividends. Ikampani iyihlangano efomali begodu ifaneleka emabubulweni amakhulu wokulima. Ivamise ukuthola imali enengi, ilawulwa ma-board of directors begodu ayijami nanyana iphele lokha nakuhlongakala munye onama-shares.
I-Cooperative
I-cooperative ivamise ukuthonywa sqhema sabantu, okungasenani abalikhomba, abanomncopho munye – ukwenza isibonelo, ukuthoma ukutjhugulula iintjalo zibe yijuzi. Iintlhogekwezi zingenzelwa kobana kutholwe imbewu, nanyana ukudla kwefuyo ngenani eliphasi. Lokhu kutholakala ngcono nakwenziwa siqhema kunomuntu munye. Umngcopho omkhulu walokhu kukobana ama-coopearatives alethe umnotho ogcugcuzela amalunga ngokuwapha iinsetjenziswa, kunokwandisa inzuzo. Iinqunto mayelana nokuthathwa kwequnto kwenziwa baphathi be-coopeative leyo.
Iplasi Njenge-trust
I-trust ivamise kobana yenziwe ngomngcopho wokobana kufakwe i-tax elifeni (khulukhulu lokha umntwana nakangaphasi kweminyaka eyi-18) ingaba namalunga ahlangana kwayi-20, ababizwa bona ma-trustees. Ama-trustees la ngiwo atlhogomela i-trust le. Lokha ama-trustee nakahlongakalako, ukobana i-trust iragela phambili njani kuya nge-trust deed.
I-Close Corporation
I-close corporation mumakhiwo webubulo ongabiziko oletha inzuzo ekampanini,kodwana awusifomali khulu. Amalunga, angabahlangana kwelinye ukuya kwamasumi, akanaso isibopho sokuloba nanyana amatleyimi, ngaphandle kwalokha nabatlikitle kobana babatjali mmali. Inzuzo ngokuya ngokwesivumelwano esitloliweko kanye namalunga woke azibandakanya ekwenzeni iinqunto ze-close corporation le. I-close corporation ayenzi lula kobana ilunga liphume lokha nalibhubhileko.
Translated by Busisiwe Skhosana