Timfanelo Letingito Telihhoko Lelikahle Lalogwaja
Ngaphambi kwekutsenga bologwaja kumcoka kuhlukanisa ngetindlu tabo – kutsi kutobanguliphi lihhoko, kutsi litobanganani nekutsi litobakuphi. Ungatsenga emahhoko kepha nguyona ndlela ledulile longayihamba; kuncono kakhulu kutakhela yakho. Tintfo letidzingekako tekwakha lihhoko lelikahle ngunati:
Lihhoko leliphephile lelinika kuvikeleka esimeni selitulu. Loku kufaka umtfunti kwentela kungashiswa lilanga bese ucedzela kuvikeleka etulwini nase moyeni.
Lihhoko kumele libe na 0.6 m² sikhala sesiyilo kanye na 0.5 m ngekuya etulu. Lologwaja kudzinga akhone kuzuba kulinye likona aye endzaweni lekahle bese ulala phansi atenwebe ngaphandle kwekutsintsa emaceleni. Kumcoka kakhulu, kumele futsi akhone kuhlala acondze emahontjini bese ubuke indzawo aphindze akhone kuhambisa kudla ngemaphayiphi kuvikela tinkinga tekugaya. (Bona licembu letemphilo).
Lihhoko lelikahle kumele libe nekwekutivikela kubobonkhe batingeli. Bologwaja bakudla etilwaneni letiningi kufana ne tinja, tinyoka, bokati besiganga, emagundvwane kanye netinyoni letitingelako letifana netahhukulu.
Bologwaja kumele bavikeleke ekushiseni ngasosonkhe sikhatsi kunika lologwaja indzawo yekuphumulela kiyo nakahleti. Loku kuvikela tinyawo tabo tangaphambili ehwayeleni ngasosonkhe sikhatsi, kepha lokumcoka kakhulu kutsi kunika lologwaja indzawo yekuphumula ngaphandle kwekuba nemibhalo esiswini. Lolokunye kwekuphumulela kungentiwa ngelipulango lesigodvo, incenye yelibhokisi noma incenye yekhaphethi. Kumcoka kugcina lencenye lesele ihlobile.
Translated by Phindile Malotana