Ditshepedišo tša monaganong, dikhemikhale le tša tlhago ka dibjalong, go swana le photosynthesis, e ka huetšwa ke themperetšha ya moya. Photosynthesis ke tshepedišo yeo dibjalo tša temothuo di šomišago mahlasedi a letšatši go tšweletša dikhapohaetreite, tše di omilego goba poelo, go tšwa meetseng le khaponetaeoksaete.
Bontšhi bja dibjalo bo gola le go phela ka gare ga tshepelo ya themperetšha ya 0°C go ya go 50°C eupša ka dibjalo dife goba dife, themperetšha ye kaone ya godimo ya go sepelela go gola le tšweletšo ke ye tshesane.
Maemo a bosa a Fodilego le Maemo a bosa a Borutho
Dibjalo tša maemo a bosa a fodilego di akaretša dikhabetšhe, diborotlolo, dipete, letšhisi, sepeneše, dierekisi le dieie.Dibjalo tše di gola kaone ka dithempheretšheng tša go sepela go tloga go 15ºC go ya go 18ºC.
Bibjalo tša amemo a bosa a borutho tša go swana le dinawa, mafodi, dikwaše, diphara, ditapola, lehea le ditamati di gola kaone ka tshepelo ya dithempheretšha tša 18ºC go ya go 27ºC.
Seo se bitšwago themperetšha ya "maleba kudu" (kgotlelelego ya fase, ka botlalo, kgotlelego ya godimo) magareng ga dibjalo, eupša gape magareng ga dikgato tša go gola ga sebjalo sa go swana.
Mo mabakeng a dibjalo tša maemo a bosa a fodilego, go bohlokwa go kgonthiša mahla tšatši a kaone a go bjala a tla netefatšago gore sebjalo se bjalwa ka fase ga maemo a thempheretšha ya godimo.
Themperetšha le Malwetši a Dibjalo
Moya wa themperetšha, o kopantšwego le monola wa go hlaloganyega, moyameetse goba monola moyeng, gantšhi o kgonthiša malwetši a dibjalo eupša gape o ka ba mohola ka mabakeng a mangwe.Mohlala wo mobotse ke bolwetši bja go talafatša, tšhwaetšo ya bolwetši, ka dikenyweng tša bodinamune. Ke bothata bjo bogolo ka Diprofenseng tša Mpumalanga le Limpopo, eupša e sego ka Diprofenseng tša Bodikela le Kapa-Bohlabela.
Dikhunkhwane tša go rwala le go phatlalatša tšhwaetšo di ka se atlege dithempheretšha tša godimo gape e bonagala gore diphefo tša thaba tše di omilego tša go fiša, tša mafelong a ka Bodikela le Kapa-Bohlabela a go bjala bodinamune go ka direga e le lebaka la go hlokega ga bolwetši bja go talafatša ka mo mafelong a.
Pula le Themperetšha
Thempheretša ya selegae le dihla tša pula di kgatha tema ka kgetho ya mafelelo ya dibjalo. Go fa mohlala, diterebe di huetšwa ke difankase ge di bjetšwe ka maemong a bosa a monola, diterebe di swanetše go bjalwa ka lefelong fao pula e nago ka bonnyane goba ka lefelong fao pula e nago marega.Dibjalo tša ka fase ga phišo, go fa mohlala, abokatho, kwaba, litšhi, manko, seenywa sa boineelo, phopo le diphaeneapole, di ka bjalwa fela ka katlego mafelong ao a se nago le tšhwaane.
Matšatšikgwedi a hloka matšatši a 180 le dithempheretšha tšatši ka tšatši tša godimo di fišago 18ºC le pula ya fase kudu ya tšweletšo ye e atlegilego ya dienywa.
Themperetšha le Boleng bja Dibjalo
Ka dinako tše dingwe diphapano tše nnyane tša dithempheretšha di ka huetša boleng bja setšweletšwa. Diteng tša swikiri diteng tša peteswikiri di a fokotšega ge dithemperetšha ka nako ya sehla sa go mela di le fase go fetiša. Go swana le ge botelele bja sehla sa go mela bo se botelele go lekane le swikiri ye e tšweletšwago ga e lekanele.Botelele bja sehla sa go mela le dithemperetšha tša godimo tše di lekanego le tšona di bohlokwa go dibjalo tša selemo tša maemo a bosa a go fiša. Lehea le nyaka dihla tše ditelele eupša dibjalo tša poelo ya godimo ya sehla se sekopana di setše di tšweleditšwe.
Themperetšha le go Mela
Go na le themperetšha ya fasana, themperetšha ya maemo a godimodimo, go mela ka go ba godimo go feta ka nako ye kopana go feta, le thempheretšha ya godimo moo go mela ga dibjalo go tla diragalago gona. Dithempheretšha tše gape di fapana magareng ga mehuta ya diphedi tša dibjalo tše di fapanego.Translated by Lawrence Ndou