Tlhalošo
Morara wo, wa go tia le go phela gabotse, o tšweletša dibeine tše hubedu, tša mmele wa go tlala tšeo di tšweletšego ke Dr Francois Durif go tšwa SyrahxPeloursin ka mengwaga ya 1980. Petite Sirah e tumile kua California gomme e lemilwe mo Argentina, Brazil, Mexico le Australia. Selo se se nnyane ka (‘petite’) Durif dithetlwa tša yona. E tšweletša mmala wa maatla, le beine ye hubedu ya tannic.Tlholego
Rhône valley, FranceMaina a Mangwe
Petite Sirah e bitšwa gape Durif (leina la motšweletši ), leina le šomišwago ke SA Wine Industry Information & Systems (SAWIS). Petite Sirah ga ya swanela go hlakantšwa le Petite Syrah. Petite Syrah ke thetlwa e nnyane, ke lefahla la mohuta wa morara, Syrah grape.
Go na le maina a go feta 35 a mangwe a lego gona ditšhabatšhabeng gomme go šomišwa Dure, Duret, Plant Durif and Pinot de Romas (France). Durif ga e tsalwane le Petite Sirah ya California ka ge e hlomile ke DNA ya kgatišo tša menwana ka 1997.
Tšweletšo mo Afrika Borwa
Palo ya go lekana le 114ha ya Durif e betšwe mo Afrika Borwa, e hlomilwe pele fkua Vititec ka 2001.Dilete tša Tšweletšo
Dibjalo tša go rekišiwa di hlomilwe ka 2004 mo polaseng ya Fairview mo Paarl. Durif tše ntši gare ga palo ya 114ha di bjetšwe kua Breedekloof (34ha) le mafelong a Paarl (31ha). Dibjalo tše mpša tša 24ha di hlomilwe ka 2016.Go Gola
Dirapa tša Petite Sirah tša go tia le go phela gabotse di kgona go kgotlelela memobu ya go fapana gomme di kgona go gola gabotse le go tliša puno ya go lekana le 22-24t/ha. Dirapa di na le mokgwa wa go khukhuna, bjale go kaone go šomiša legora gore ngata e se kgome fase. O swanetše go e bjala ka pitlagantšho ya magereng goba ya godimo.Go Butšwa
Merara e lemiwa magareng a sehla.Matlakala
Matlakala a na le bogolo ba magareng le sebopego sa pentagonal le mathoko a mahlano.Dithetlwa
Petite Sirah e na le dithetlwa tše nnyane tša go kopanya.Dikhukhwane le Malwetši
Ngata ya mafahla a go kopanya a na le go ba bokoa go tshenyo ya ngata. Dithetlwa di bokoa go letšatši la go fiša kudu.
Petite Sirah e na le bokgoni ba go lwantšha downy mildew gomme se se dirile gore e tume kudu kua France ka ngwagakgolo wa leseomepedi seswai e fela lehono ga e hwetšagale mo France.