Tsela ya go ya Vredefort Dome ke Parys, toropo ya go kgahliša ya maikhutšo ya go agwa go bapela ga tsela ya panka ya Borwa a ka Vaal. Go fihla go Parys go tšwa Johannesburg, tšea N1 ya Borwa, o latele dika tšeo di ya go Bloemfontein. Ka morago ga go feta Grasmere Toll Plaza, tebego ya naga e fetoga go mafapheng a Temo. Ka ntle ga 80kms ya Joburg, o tlo tshela leporogo godimo ga noka a lekwa go la Freistata. Ka morago ga go tšwa 10km nngwe (e ka bago 90km go tšwa Joburg), tšea botšo bjo swailwego R59 - Parys/Sasolburg pele ga mabenkele a Kroonvaal Toll. O arogele go letsogong le le golo godimo ga letsogong la mpati e be o otlela 20kms go fihla o goroga Parys.
Bokgolo bjo bo nnyane go ya toropong, tsela ye kgolo ya go ya Parys (Strata sa Loop) se fihla setopong e be se kobegela go letsogong le le golo (Strata sa Water) ka morago go arogelwa go le le nnyane (Strata sa Bree). Latela mehlala ya mpša go ya mo tseleng ya baeti ye kgolo, strata sa Bree, mokgothana wo mogolo wa go ba le mabenkele, diresturente, lebenkele la go rekiša dilo tša kgale, ntlong ya bokgabo le mabenkela, di fa nako ye botse ya go bogela.
Ge o fetša, tšwela pele ka strara sa Bree go fihlela o hwetša seetša sa sephethephethe sa mathomo mo Parys. Go tloga mo o ka ya thwii go fihlelela toropong ye nnyane ya Vredefort (15 km). Go se go bjalo, o ka arogela letsogong le le golo, o tsele leporogo la go kgahliša godimo ga Vaal, e be o ya Potchefstroom ka R53 (e ka bago 50 km). Naga ya Vredefort Dome Mountain e bonagala gabotse, e namelele go ya pankeng ya leboa l la Vaal, gomme e ka fihlelelwa go tšwa ditseleng tše pedi tša go tšwalega.
Ditsela tša maswika tšeo di arogelago nageng ya Dome Mountai di ba fa baotledi dikgetho tše ntši tša ditsela tša go fapafapana. Lefelo la gona le a kgahliša e bile le ke le kgethegilego go na le moya wa khutšo le magaeng. Le ge go le bjalo, O lemoge gore bobedi bja ditsela tša Valleys di na le go ba makgwakgwa. Tlhopho e dirwa ka mehla gomme dikodi tše di ngwe ga di lekane gabotse. Ga go nyakege 4x4, eupša sefatanaga sa go fegwa gomme fase go swanetše go ba go lokile. Hwetša mmepe wa lefelo la go tšwa go ye nngwe ya Boeti mo toropong go efoga go timela.
Tsela ya Leeto ye Sišintšwe go tšwa Parys go ya Vredefort Dome
Mo seetšeng sa sephethephethe mo strateng sa Bree, o arogele go le le golo go R53 go potch. Mo thokong ya kgole nyana, o tla bona lebenkele la Jalapor’s General Dealer. Poso ya kwebisano ye e be e hlankela Parys go tloga ka ngwaga wa 1920s e bile e sa na le bontši bja diphahlo tša tlhago. E theilwe ka thoko ye fošagetšego ga noka ka lebaka la gore MaIndia a be a sa dumelelwa go ba le mabenkele mo Orange Free State.
Ka morago ga 2 km, o tla mo hlakanong ka R500 go Fochville. O otlele letsogong lele nnyane e be o tšwele pele ka R53 go leba potch.
10km ka ntle ga Parys, o otlele go le le nnyane mo saeneng ya Venterskroon. Tsela e thoma go tlogela ge o theogela go Valley e botse magareng a makopo a mabedi a Vredefort Dome.
Ka morago ga dikhilo tše mmalwa, o tla go leporogo le le sese godimo ga moela wo botse. Go na fapogo go le nnyane ye swailwego ‘Koppieskraal’. Ye ke tsela ye kopana ya go boela morago go Parys le ponalo ya go kgahliša.
Ge o ka dula thwii go leba Venterskroon, tsela e ya lekopong a go makatšago ya la maswika. Sešelo se se golo mo go bapala mo Vredefort Dome se thoma go bonala. Ema mo polaseng ta baeng ya Thabela Thabeng tša baeti go lebelela pontšho ya thutomaswika tša bona tša go kgahliša.
15km go tšwa sekontiring sa go tšwalega, o fihlile go Venterskroon. Motseng wa meepo wa o lebega gabotse le meago ye mpsha (Le lebenkele la go rekiša kofi le Senthara ya tshedimošo) ya go emala baeti.
Ge o fetša, tsela e tšwela pele ka Venterskroon le go fetiša nyana. Ye e go iša o mo polaseng ya Leeufontein, ye nngwe ya mašemo a kgalekgale a mo Transvaal.
Blale o tla tseleng ya hlakano. Arogela go le le nnyane. Ka morago bokgole bjo kopana, o tla tla go t-junction le tsela ya Schoemansdrift-Potch. O arogele go le le nnyane go leba schoemansdrift.
Dipolasa di šupa meboto ya lefase bjalo ka ge o tšwela pele go Dome, go lekwa kua nokeng ya Vaal.
Ka morago ga dikhilo tše mmalwa, go na le hlakano le tsela. O dule go le lennyane go leba Skandinawiëdrift.
Schoemansdrift ke ye telele, tsejana e tee godimo ga noka ya Vaal. Lefelo le botse, gomme leporoko ke lefelo la mmamoratwa la barei ba dihlapi tša selegae.
Ka lehlakoreng le lengwe la Vaal, tsela ya e hlakana le t-junction. O arogele go le le nnyane e be o tsena ka noka ya the south bank.
Go na le ditsela tša go gakantšha mo Karolong ye, ya Vredefort Dome, ka fao o hwetše mmepe go tšwa go ye nngwe ya disenthara tša tshedimošo pele o sepela. Go boima go timela kudu, le ge go le bjale, ka gobane ditsela tšohle mafelelong di feletša tseleng ya go tswalela yeo e kgokaganyago Vredefort le Parys (R59).
Ge o fihla R59, o arogele go le lennyane go ya Vredefort goba o arogele go le legolo go boela Parys. Tsela ya leeto ga ya swanela go feta 100km, eupša ga o nyake go kitima, ka fao o sepele e sale ka pele.
Tsela ye Nngwe go Fihlelela naga ya Vredefort Dome Mountain ke go tšwa Potchefstroom
Go fihla toropong ye e swaregilego, tšea borwa bja N1 go ya Bloemfontein. Ka morago ga 20kms, go na le karoganyo magareng ga N1 le N12 (nyakago ya potch le Kimberley). Tšea N12 e be o lebe lekopong le tumilego la thaba ya mabapi le 100km. Mo tseleng yeo, o tla feta moepo wa Mponeng, wa go teba go fetiša mo lefaseng. Ge o ka fihla Potch, latela dika tša R53 go ya Parys. Se se tla tliša go naga ya Vredefort Dome Mountain go tloga Leboa.
Bjalo ka segopodišo sa mafelelo, ge o boela Joburg, ditsela di na le go hlakahlakanya. Ge o lekgauswi le metropolise, o tla bona saena ya N1. E tla iša mo mmileng wa maleba (yeo e tsebegag gabotse e le bodikela go putla) go Roodepoort go ya Pretoria. Ge o nyaka go ya N1, yeo e lebago go toropong ya Leboa ya Sandton, latela dika tša N12 go ya Witbank mme o tšee tsela ya le swao la M1 ya Leboa. Ditšhupetšo tše di kaonafaditšwego di ka thuša ka raragane ye, di na le go nhlakanya ka nako ye nngwe.
Translated by Lebogang Sewela