Boleng bja Todi bja Kalafi

Ka ntle le go ba sejo sa go aba phepo le maatla, todi e be e tsebja go tloga dinako tša kgalekgale go ba twantšhotwatši. E be e šomišwa ke dingaka tša BaGerika, BaEgepeta le tša MaChina go alafa malwetši a mpa go swana le dišo tša mpa le bjalo ka go alafa bohloko bja ditsebe, mogolo o bohloko le go gohlola ka India, todi ya lotus e be e šomišwa go alafa dipheteletšo tša mahlo.
Todi e alafa diphetetšo le go phekola dintho, go akaretša le diphišo go tee le go loma ke dikhunkhwane. Tirišo ya todi e ka thuša dintho tšeo di fetišeditšwego tšeo di sa folego ka dibolayatwatši le twantšhatšhila. Bokoto bja todi bo swara dintho di lego monola gomme di abelaana ka thibela phetetšo.
Todi e alafa psoriasis, e thuša ka go hlwekiša dintho le go tsošološa ditlhalenama. Dinyakišišo tša go fapafapana le tšona di bontšhitše gore todi e fokotša tšwelopele ya kankere.
Tlhopho ya ditodi ka kalafong e na le tiragalo ya twatši ye e maatla kudu kgahlanong le twatši ye e thibelago twantšhatwatši ye e ka hlolago phetelo bathong ye e ka tšhošetšago bophelo. Le ge go le bjalo, dithoto tša thibelatwatši di fapanafapana go ya ka mothopo wa manopi. Todi ye e šomišwago ka lebaka la phodišo goba kalafo di swanetše go šongwa ga nnyane, go titielwa ga nnyane eupša ga e fišwe. Ditodi tše dingwe tša go swana le ditodi tša manuka di ka bapatšwa ka go lebanywa bjalo ka dikalafi tša batho ka lebaka la mothopo wa tšona wa dibjalo ye e kgethegilego le ka baka la dithoto tša moswananoši.

Todi ya Manuka

Tiro ya thibela twatši ka mehuteng ye mintšhi ya todi ke ka lebaka la tšweletšo ya difetoši tša haetrotšene perokstaede, thibela tšhila e bonolo. Banyakišiši ba ka Yunibesithi ya Waikato ka New Zealand ba utullotše, ka 1981, gore todi ya Manuka e na le maemo a godimo a sefetoši go feta todi ya ka mehla. Ke difetoši tše tšeo di hlolago haetrotšene perokesaede ya tlhago. Maatla a sebolayatwatši a todi ya manuka e hlalošwa bjalo ka UMF – Ntlha ya Moswananoši ya Manuka – gomme se kgonthiša boleng bja yona ba kalafi.
Todi ya Manuka e lwantšha diphetetša tša Staphylococcus aureus le go thuša go alafa malwetši a go tloga le go swana le thala le sehlopha sa malwetši sa mala a go selekega go ya go kelelo ya go ya morago ya esiti le mašole a mmele a fokolago.

Molaetša wa Temošo ya Kalafo

Re kgopela o ele hloko: Tshedimošo ke ya thuto le tshedimošo fela gomme ga e a swanela go hlathollwa bjalo ka keletšo ya kalafo. Tshedimošo ga se ya ikemišetšwa go tloša dikeletšo tša kalafo goba tlhokomelo ya maphelo ye e neelwago ke bašomi ba tša maphelo.

Translated by Lawrence Ndou