Heuning word gebruik as behandeling vir infeksies en dit genees wonde, insluitend brandwonde, insekbyte en pitsere. Die aanwending van heuning kan help om wonde wat nie op antibiotika en antiseptika reageer nie, te laat genees. Die viskositeit van heuning hou wonde klam en voorkom infeksie.
Heuning word gebruik om psoriase te behandel, help met die skoonmaak van wonde en regenerasie van weefsel. Verskeie onlangse toetse het ook getoon dat heuning die vordering van kanker verminder.
Mediese graad heuning het kragtige bakteriale aktiwitiet teen antibiotika-weerstandige bakterieë wat lewensbedreigende infeksies in mense kan veroorsaak. Antimikrobiese eienskappe varieer egter volgens die bron van nektar. Heuning wat gebruik word vir medisinale of terapeutiese doeleindes moet minimaal geprosesseer word – gefilter, maar nie verhit nie. Sekere soorte heuning soos Mānuka kan spesifiek bemark word as menslike geneesmiddels weens hul spesiale plantbron en gevolglike unieke eienskappe.
Mānuka Heuning
Die antimikrobiese aktiwiteit in die meeste soorte heuning kan toegeskryf word aan die produksie van waterstofperoksied, ‘n matige antiseptikum. Navorsers by die Nieu-Seelandse Universiteit van Waikato het in 1981 ontdek dat Mānukaheuning ‘n baie hoër vlak van ensieme bevat as gewone heuning. Dit is hierdie ensieme wat natuurlike waterstofperoksied vervaardig. Die antibakteriese sterkte van Mānukaheuning word uitgedruk as UMF – Unique Mānuka Factor – en verseker daardeur die medisinale kwaliteit.Mānukaheuning beveg Staphylococcus aureus en help om toestande soos aknee, prikkelbare dermsindroom, suur refluks en swak immuunsisteme te behandel.