Uzisebenzisa njani Iinhlanhla Zokwelapha Iimfarigi
©National Pork Board, USA
Ukuze zisebenze ngendlela engiyo iinhlahla zemfarigi, intatha kanye nezinye izinto zokwelapha kufanele zibekwe bezifakwe ngokuya ngokomlayelo otlolwe elebulini. Tlhogomela uqiniseke bona iimfarigi sele zibonwe ngendlela engiyo bona zinobulwelwe buphi ngaphambi kokobana uziphe iinhlanhla. Ukungalandeli umlayelo kungarholela ekutheni intatha ingasebenzi kuhle, kwenze bona zingavikeleki ngokupheleleko kukonele imali.
Funda iLebuli
©National Pork Board, USA
Ngaphambi kokwenza okunye,funda ilebuli ukuze uzwisise bona iinhlanhla uzipha njani. Qala i-expiry date, ngombana iinhlanhla esele zidlulelwe malanga angeze zasebenza njengokulindelweko.
Zibeke Endaweni Epholileko
©National Pork Board, USA
Iinhlanhla zivamise ukobana zibekwe endaweni epholileko. Njeke kufanele zibekwe ngendlela engiyo ukusuka ekwenziweni kwazo ukufikela lokha ziphiwa iinlwane eplasini. Ukukhandela bona bangatholi iinhlanhla ezingasebenziko abafuyi kufanele bathenge iinhlanhla ebathengisini abathembekileko bazibeke ebhokisini elinerhwaba lokha nabazithuthela eplasini. Eplasini, iinhlanhla kufanele zibekwe esiqandisini esilodlhelweko kuze kufike lapha zisetjenziswa khona. Iinhlanhla kufanele zingatjhywa elangeni, ngombana imisebe yelanga ingenza bona zingasasebenzi.
Sebenzisa Isimedo Ekungiso
Ukuzipha isihlahla esincani khulu nanyana esincani khulu kuzokwenza bona singasebenzi. Ishlahla ezincani singarholela ekutheni iimfarigi zingavikeleki, lokha esinengi khulu sibiza begodu singadala umonakalo.
Lokha nawufaka amanzi eshlahleni, ezifana nempreyi, kufanele utjheje uqiniseke bona usihlanganisa ngokuya ngokwesilayelo esiselebulini. Amanzi kufanele ahlwengeke kube ngewekhwalithi ehle ngombana ileveli ephezulu yamaminerali athize nama elementi kanye namanzi ane esidi enengi khulu kungenza bona isihlahla singasebenzi.
Ziphe Iinhlanhla Ngendlela Engiyo
©National Pork Board, USA
Qiniseka bona upha iimfarigi iinhlanhla ngokuya ngokomlayelo oselebulini. Umuntu ozipha iinhlanhlezo kufanele kube ngothwasisiweko, ongakathwasiselwa bona aziphe iinhlanhla kuhle kwaphela kodwana owenza bona zingagandeleleki ngokomkhubulo. Ukugandeleleka ngokomkhumbulo akoni zehlalakuhle yemfarigi kwaphela kodwana kwenza bona zibanjwe malwelwe ekungarholela ekutheni iinhlanhla zingasebenzi ngendlela engiyo.
Nange kuthlogakala bona zilatjhwe ngomjovo, umjovo kufanele uhlatjwe endaweni engiyo emgogodlheni weslane, okuvamise ekubeni sentanyeni. Umjovo kufanele ungaphindwa ukukhandela ukuthelelana ngamalwelwe.
Lokha nawuzipha iinhlanhla ngomlomo, tjheja uqiniseke bona iinlwane zigwinya ishlahla esitlhogakalako lokha nawufake ishlahla ekudleni nanyana emanzini. Lokha nawusifaka ngemlonyeni wemfarigi, ihlangano ye-South African Pork Producers Organisation (SAPPO) kumanuwali yabo yesihloko esithi-Manual for emerging Pig Farmers, iphakamisa bona abafuyi baphakamisele ihloko yefarigi phezulu lokha nabasebenzisa umjovo. Ipente yomjovo kufanele ibekwe emlonyeni ngeqadi ngaphasi kwelimi ukwenzela bona isihlahla siginyeke singangeni ephayiphini lomoya.
Ama-Antimicrobial
Lokha nawusebenzisa iinhlanhla ezima - antimicrobial ngendlela ekungasiyo kungarholela ekutheni ama-antimicrobial angasasebenzi, okutjho bona iinthako zawo zingasebenzi ekulapheni iimfarigi.
Ukungasebenzi kwenhlanhla ezima-antimicriobial sele kurholele nanyana sele kugandelela abafuyi ukutheni basebenzise ama-antimicrobes ngokutlhogomela begodu bawasebenzise nakutlhogakalako kwaphela. eSewula Africa, khulukhulu, ama-antimicrobes athize athengiswa kwaphela ngesiqintelo esibuya kudorhodera wenlwana kwaphela.
Translated by Busisiwe Prudance Skhosana
