Ndlela Yotirhisa Mirhi ya Tinguluve hi Ndlela ya Kahle
©National Pork Board, USA
Ku kuma mbuyelo lowu tsakisaka, mirhi na hinkwaswo swa vutshunguri swifanele ku hlayisiwa, switirhisiwa naku nyikeriwa kuya hi leswi swiletelo swinga xiswona eka swiphephani leswi damarhetiweke eka swona. Vulhayiseki byi fanele kuva kona leswaku tinguluve tinyikiwa murhi hi ndlela leyinga lulamela. Kuka kunga landzeleriwi swiletelo, swinga endla leswaku vutshunguri byinga tirhi kahle, kunyikiwa ntsena eka xiphemu xa nsirhelelo eka mavabyi swinga hetelela swiva ku tlanga hi mali.
Hlaya Leswinga Tsariwa
©National Pork Board, USA
Loko ungase endla nchumu, hlaya xiphephani lexinga damarhetiwa leswaku uta twisisa hindlela leyi murhi wufaneleke ku nyikeriwa hikona. Tlhela u languta loko murhi wunga hundzeriwangi hinkarhi, hikuva mirhi leyinga hundzeriwa hinkarhi yingaka yinga tirhi hindlela leyi fanela.
Hlayisa Laha Kunga Hola
©National Pork Board, USA
Mimirhi yifanele kuva yihlayisiwa eka mahiselo yale hansi swinene. Swifanerile leswaku, yi vekiwa kahle kusukela loko yihumelerisiwile kuya fikela loko yiya nyikeriwa xifuwo. Kusivela kuhundzisiwa ka mahiselo kusukela loko yihete ku endliwa, van’wamapurasi vafanele ku xava mirhi kusuka eka vaxavisi lava tshembhekaka naswona yihlayisiwa eka bokisi leringana ti ayisi loko yi fambisiwa kuya e purasini. E purasini, murhi wufanele kuvekiwa eka xigwitsirisi lexinga khiyiwa kufikela yitirhisiwa. Mimirhi ayifanelanga kuva yitshikiwa yiri e dyambyini, hikuva miseve ya dyambu yina mbuyelo wo biha swinene eka kutirhiseka ka mirhi leyi.
Tirhisa Mpimo Lowu Lavekaka
Kunyikela murhi wotala kumbe wuntsongo swinene hinkarhi swinga endla leswaku wunga tirhi kuya hileswi wunga languterisiwa xiswona. Ku phakela murhi wuntsongo swinga endla leswaku tinguluve tiva tinga sirhelelekangi eka mavabyi, kasi ku tata ngopfu swona swita endla leswaku swidurha swinene naku vabyisa swifuwo.
Loko u katsa vutshunguri, kufana nati dips nati sprays, kufanele kuva na vuhlayiseki bya nkoka lebyi endliwaka kutiyisisa leswaku swikatsiwa kuya hileswi swinga lerisisiwa xiswona eka phepha leringa damarhetiwa. Mati aya fanelanga kuva ya basile ntsena kambe kufanele kuri ya khwalithi ya kahle hikuva nhlayoyale henhla yati minerali tin’wana nati elements kumbe mati yatele acid swinga endla leswaku vutshunguri byingavi kahle.
Lawula Vutshunguri Kahle
©National Pork Board, USA
Tiyisisa leswaku vutshunguri byi endliwa kuya hileswi swinga leterisiwa xiswona eka phepha leringa tsariwa. Munhu loyi a endlaka murhi lowu u fanele kuva a leteriwile kahle, kungari ntsena ku nyikela kahle murhi ntsena kambe anga nyiki tinguluve ntshikelelo. Ntshikelelo awova na xiave xobiha ntsena eka rihanyo ra swifuwo kambe wu endla leswaku swikhomiwa hi mavabyi yan’wana naswona swinga endla leswaku vutshunguri byinga tirhi hindlela leyifaneleke.
Loko vutshunguri byi fanele kuva byi endliwa hi injection, injection yifanele ku tlhaviwa eka ndzhawu leyi lulameleke emirini wa xifuwo, hi xitalo e nhanwini wa xifuwo. Ti nayiti tifanele ku cinciwa exikarhi ka kutlhaviwa ka swifuwo ku sivela ku hangalasa mavabyi.
Eka murhi lowu nyikeriwaka, vuhlayiseki byi fanele kuva kona ku tiyisisa leswaku swifuwo swikuma murhi lowu lulameleke loko swinyikiwa vutshunguri na swakudya kumbe mati. Loko u nyikela nguluve murhi enon’weni, va South African Pork Producers Organisation (SAPPO) vahlohletela kuya hi Manual for emerging Pig Farmers leswaku van’wamapurasi va khoma nhloko ya nguluve yilanguta e henhla kutani vatirhisa syringe. Emakumu ka yona kufanele kuva hile tlhelo ka nomo ehansi ka ririmi leswaku murhi wuta mitiwa naswona wunga rheleli hi phayiphi ya moya.
Antimicrobials
Loko ku tirhisiwa ti antimicrobials ngopfu ngopfu, kuka tinga tirhisiwi kahle swinga endla leswaku swifuwo swingaha tshunguleki hitona, leswi vulaka leswaku xilo lexitirhaka ngopfu eka murhi lowu wungaha tirhi eka kulawula ti pathogens tin’wani.
Ku kombisa kuvilela ka misava hinkwayo ehenhla kakuka kunga tirhi ka ti anti-microbial swi endle leswaku kuva na ntshikelelo wukulu eka van’wamapurasi kuva vatirhisa ti antimicrobials hikantsongo naswona ntsena loko swifanerile. E Afrika Dzonga ngopfu ngopfu, tin’wana ti antimicrobials tikumeka ntsena loko ti komberiwe hi Dokodela wa swifuwo kuva titirhisiwa.
Translated by Ike Ngobeni
