Ukuvunwa Kwamadiribe weWayini

©Louise Brodie
Here, red globe table grapes are hand-picked and loaded into crates for transport to the packing shed.
Ngaphambi kokuvuna amadiribe, kuqakathekile ukwenza iplani yokuvuna. Iplani yokuvuna izokufaka hlangana isivuno esilindelweko, isilinganiso selanga lokuvuna, inani labasebenzi elitlhogakalako, ukurendiwa kweensetjenziswa kanye nendleko zenthuthi ezizokuthutha amadiribe ziwase lapha kwenziwa khona iwayini. Amatregere nanyana amatraga anemumathi zamadiribe Amatreyidi wokuvuna kanye nesikero sokuvuna kwesisebenzi ngasinye Amakhadi aklipelwako (amakhadi la abhobozwa ukwenzela bona atjengise inomboro yamatreyidi umsebenzi ngamunye awakhileko) Izindlu zangasese ezidoswako kanye namanzi wokusela Iimbulali magciwani kanye nezinto zekghelebho lokuthoma ezifana namabhanditjhi I-Refractometer yokuhlola izinga letjhukela emadiribeni evuniweko

Ukuvuna Ngesandla Kwamadiribe weWayini

©Louise Brodie
A grape picker busy with hand-harvesting of grapes.
Ihlanganisela yamadiriyibe avuthiweko isikwa ngesikero sawo ibekwe emakreyidini wokuvuna. Amakreyidi la avamise ukubekwa ngaphasi nanyana eduze kwesivini. Lokha ikreyidi lizeleko, likghuthulwa esimumathini sokuvuna etrageni nanyana etregereni. Iimumathi zamadiriyibe, zimumathi ezikulu ezenziwe ngesimbi nanyana ngeplayistiki engaba mthamo omathani ama-5 – 6 kodwana ilowudi nanyana bavumele bona ithwale umthwalo omncani ukwenzela bona angakghudleki nokobana angaputjuki enze umhluzi. Amadiriyibe kufanele akhanjiswe lapha kwenziwa khona iwayini msinya ngendlela okungakghonakala ngayo, angatjhiywa elangeni nanyana lapha kutjhisa khona.
Nakungenzeka lokho, umhluzawo ungathoma ubile. Kungafakwa i-Potassium metabisulfite (K₂S₂O₅) emadiriyibeni amhlophe ukuphungula i-oxidation, nokobana abile msinya. Ukubila kwawo kwenzeka lokha umhluzi wamadiriyibe uzwelela i-yeast elethwa mumoya ongakahlwengeki kanye ne-alcohol. Ukubila kwawo kungalawulwa ngokobana afakwe i-yeast ethile ngemva kokobana sele kuputjuzwe umhluzi wawo, upholisiwe wafakwa ematangeni.
Lokha amadiribe afika lapha kwenziwa khona iwayini, ihlanganisela itjhetjhwa ebhandeni elibizwa bona yi-conveyor belt kuthi iingodo zawo lezi ezibamba amakari, kanye namadiriyibe abolileko kususwe ngaphambi kokobana kufakwe ihlanganisela yamdiriyibe ifakwe lapha igandelelwa khona ukuze ikhiphe umhluzi.

Ukuvunwa Ngomtjhini Kwamadiriyibe Wokwenza iWayini

Umvuni angasetjenziselwa ukuvuna amadiribe wewayini ngomtjhini. Lokhu kwenziwa khulukhulu nakuvunwa isivuno esibila msinya. Ihlanganisela yamadiribe isuswa esivinini ngokususa iingodo kanye namadiribe abuthelelwe esimumathini sokuvuna emtjhinini lokha amakari asuswa ngokusebenzisa izinga lomoya eliphezulu.
Inzuzo ekulu yokuvuna ngomtjhini kukobana wenza msinya amadiribe ahliswa eseleni nanyana lapha kwenziwa khona iwayini msinya kunalokha avunwa ngesandla. Indawo ekulu yesibili ingavunwa ngelanga, kudinga abasebenzi abancani begodu ukuvunwa kungenziwa lokha ilanga lingatjhisi khulu. Lokhu kuqakathekile ngombana kuqiniseka bona kuvunwa amadiriyibe wekhwalithi. Okumbi ngokuvuna ngomtjhini kukobana iingodo zamadiribe ziyonakala begodu ihlanganisela yamadiribe agulako nanyana angakavuthwa avunwa ahlanganiswe nalayo aphilileko.

Translated by Busisiwe Skhosana