Puno ya Diterebe tša Beine

©Louise Brodie
Pele ga puno go bohlokwa go hloma peakanyo ya go buna. Peakanyo ya go buno e tla akaretša puno ye e letetšwego (ka ditone), letšatšikgwedi le le akantšwego la puno, palo ya bašomi ba ba nyakegago, go rentišwa ga didirišwa le ditshenyegelo tša dinamelwa tša diterebe go di iša ka polokelong ya beine. Go swanetše go dirwa le go fana ka go fokotša moyafatšo wa diterebe nakong ya go di sepetša, fokotša dikgobalo le go netefatša polokego le maemo a maphelo. Didirišwa tše di nyakegago punong ya beine ya terebe di ka akaretša:
Ditrekere goba dilori ka ditšhelong tša terebe
Makase a puno le sekere sa mošomi yo mongwe le yo mongwe
Dikarata tša ditanyi (dikarata tše di punched go laetša palo ya bona ka makase a)
Ntlwana ya boithomelo ya go sepetšwa le meetse a go nwa
Lepokisi la thušo ya potlako le diplastara le dibolyakhunkhwane
Sedirišwa sa go dira diteko tša ka mehla tša maemo a swikiri, ka diterebe tša go bunwa

Puno ya Seatla ya Diterebe tša Beine

©Louise Brodie
Diboka tše dudulego di a ripiwa ka sekere sa puno gomme tša bewa ka gare ga makase a puno. Makase a ka tlwaelo a bewa ka fase ga goba kgauswi le moterebe. Ge lekase le tletše, e tšollelwa ka gare ga setšhelo sa puno godimo ga trekere goba lori. Ditšhelo tša diterebe ke dipolastiki tše kgolo goba ditšhelo tša tšhipi ka bokgoni bja 5-6 ya ditone eupša di bewa di le nnyane go fokotša dikgobalo le popego ya meetsana le kgonego ya moyafatšo ya meetsana. Batšweletši ba bangwe ba kgetha go sepetša makase go ya bobolokelong ga fokotša dikgobalo le go tahlego ya meetsana.
Diterebe tše di swanetše go išwa polokelong ka pela ka moo go kgonegago gomme di se tlogelwe di eme ka letšatšing goba phišong. Ge go le bjalo, meetsana a ka thoma go bela. Potasiamo metabisalefaete (K₂ S₂ o₅) e ka okeletšwa dibjalong tša diterebe tše tšhweu go fokotša moyafalo le go thibela go bela ka pela. (Go bela ke ge o meetsana a iphetolela go yisti ya sethokgwa go bopa khaponetaeoksaete le bjala. Go bela go swanetše go laolwa ka go oketša yisti ye itšego ka morago ga ge meetsana a diterebe a setša a ntšhitšwe, tša fodišwa gomme di bewe ka ditankeng.)
Ge diterebe di fihla ka polokelong, diboka di hlahlobja godimo ga lepanta la tshepedišo le matlakala, dithito le diterebe tša go bola di a tlošwa pele ga ge diboka di bewa ka gare ga gatiso ya diterebe go ntšha meetsana.

Translated by Lawrence Ndou