Ku Tshoveriwa ka Madiriva

©Louise Brodie
Here, red globe table grapes are hand-picked and loaded into crates for transport to the packing shed.
Loko kunga se tshoveriwa swina nkoka kuta na kungu rotshovela. Kungu leri rita katsa ntshovelo lowu languteriweke (in tonnes), siku ra ntshovelo, nhlayo ya vatirhi lava lavekaka, kulombiwa ka switirhi na mali leyi lavekaka ku fambisa madiriva kuya eka ti wine cellar. Kufanele ku tlhela ku endliwa mpimo wa oxidation ya madiriva loko yari eku fambisiweni, kuhungutiwa ka ku pandeka naku tiyisisa leswaku swipimelo swa vuhlayiseki na ku basa swalandzeleriwa.
Switirhisiwa leswi lavekaka eka ntshovelo wa madiriva swikatsa: Materetere kumbe tilori letingana ti grape bins Magasi yo tshovelela eka wona na xo tsema xa mutiri unwana na unwana Ti clip cards (makhadi lawa ya kombeta nhlayo ya magasi lawa yanga endliwa hi munhu unwe) Swihambukelo swo fambisiwa na mati yon’wa First aid kit na ti bandichi na swobasisa ti bacteria Refractometer fyaku tshama yi kambela mpimo wa chukele

Ku Tshoveriwa ka Madiriva hi Voko

©Louise Brodie
A grape picker busy with hand-harvesting of grapes.
Swichocho leswinga vupfa swa tsemiwa hi xotsema se ya hoxiwa e gasini. Magasi lawa ya tala ku vekiwa e hansi ka nsinya lowu kutshoveriwaka eka wona. Loko gasi ritele, ra chuluriwa endzeni ka bin eka tertere kumbe lori. Ti bin ta madiriva hiletikulu ta plastiki kumbe nsimbhi elti chelaka 5 – 6 ton kambe atitatiwi kusivela ku phyandleka ka madiriva, ku khuluka ka juzi na ku sivela oxidation ya juzi. Van’wamapurasi vanwana vatsakela ku fambisa magasi lawa kuya eka ti wine cellar kuhunguta ku phyandleka naku lahlekeriwa hi juzi.
Madiriva ya fanele kuyisiwa eka cellar hiku hatlisa naswona yanga tshikiwi ya tshame e dyambyini nkarhi woleha. Loko swova tano juzi yita sungula kuvila. Potassium metabisulfite (K₂S₂O₅) yinga katsiwa eka madiriva yobasa kuhunguta oxidation naku sivela ku vila hiku hatlisa. Ku vila swifanele ku lawuriwa hikuva ku katsiwa yeast yohlawuleka enzhdaku kaloko kuhumesiwe juzi, yi horisiwa naku cheriwa e mathangini. Loko madiriva ya fika eka cellar, swichocho swakamberiwa eka bandi leri ya fambisaka kutani rifamba, swimhandzani na lawa yanga bola yakari ya susiwa loko madiriva yangase vekiwa eka muchini lowu kamaka juzi.

Kutshoveriwa ka Madiriva hi Muchini

Muchini wo tshovela wunga tirhisiwa ku tshovela madiriva. Leswi swiendliwa eka nseketelo wale henhla swinene naswon switala ku endliwa loko kuri na ntshovelo wotala. Swichocho swisusiwa emisinyeni laha madiriva ya hlengeletiwaka emagasini hi muchini laha matluka ya pfurheteriwaka hi muchini ya suka kusala madiriva ntsena. Mbuyelo lowukulu waku tirhisa muchini iku wu endla hiku hatlisa kutlula loko kutshoveriwa hi voko. Madiriva ya hatlisa kuya fika eka cellar hi xihatla.
Kunga tshoveriwa masimu yotala hi siku loko kutirhisiwa muchini, akulaveki vatirhi votal naswona ntshovelo wunga endliwa hinkarhi lowu kunga hiseku wa siku. Leswi swina nkoka eka kutiyisisa khwalithi naku hunguta oxidation ya madiriva. Xo biha xakona hileswaku kutshovela hi muchini swinga endla leswaku madiriva yanwani ya phyandleka, swirhabyani swivaviseka na leswaku hambi siwchocho swalawa yoka yanga vupfani swinga tshoveriwa na lawa yanwana.

Translated by Ike Ngobeni