Ukutlheganiswa Kwentjalo
Tjala esinye nesinye istjalo somndeni ohlukileko ulinge ukudlheganisa iintjalo ezimbili ezingafaniko iminyaka emibili esimini yinye.
Isivuno - Amatani qobe li-hectare
Esitlhogonyelwako
Esifretjhi: 10 yamatani
Esomileko: 1 yamatani
Esinamafutha: 8 ukuya 10 yamalith
Esilinganeko
Esifretjhi: 15 yamatani
Esomileko: 2 yamatani
Esinamafutha: 10 ukuya ku-15 litres
Esihle
Esifretjhi: 25 yamatani+
Esomileko: 5 yamatani+
Esinamafutha: 20 yamalitha
Ukusivuna
Ukuya ngokobana isimu yikulu kangangani isimu ye-basil, ukuvunwa kwe-basil kwenziwa ngesandla nangomtjhini. Kungavunwa iimvuno ezimbili ukuya kwezintanthu estjalweni sinye.
Lokha nanawuvuna i-basil efretjjhi kuqakathekile ukobana uyivune ekuseni nakusapholileko ukukhandela kobana ingaboli nokobana amakari aphole ngaphambi kokobana uwase lapha azokusetjenzwa khona khonokho ngemva kokuyivuna. I-basil efretjhi izwela khulu ayithandi amakhaza njeke amazinga womtjhiso kufanele kobana abengephezu kwe-7°C.
Vuna i-basil ekuseni begodu uqiniseke kobana amaqembe omile.
Lokha nawuvuna i-basil uyivunela ukukhiqiza amafutha aqakathekile kutlhogeka kobana iinhlumaya sele zimilile zitjengisa amathuthumbo wokuthoma. Kuhle ukuyivuna lokha nakufuthumeleko ngebanga lokobana lokho kungezelela umkhiqizo wamafutha aqakathekileko. Ungatheleleli i-basil oyitjalele ukukhiqiza amafutha aqakathekileko amalanga aze abemahlanu phambi kobana ivunwe.
Sika isiqu ngaphezulu kwehlabathi nge-15 ukuya ku-20 cm utjhiye amakari ambalwa azokwenzela bona kobana imile godu.
Ukuyibeka
Ukubekwa kwamakari afretjhi we-basil kutlhogeka kobana kube hlangana kwe-8°C ukuya ku-10°C iskhathi esingaba yiveke. Tjheja umonakalo ongabangwa yirhwabalaza lesiqandisi uphungule isiqandisi. Ukobana yoniwe makhaza ukubona ngokobana amakaraso atjhuguluke abe nzima.
I-basil eyonyisiweko kufanele bona ibekwe emumathini ezivaliweko, endaweni eyomileko. Eyomisiweko yenziwa ngemitjhini yokuyomisa neyipakako.
Amafutha aqakathekileko abekwa erhalasini elinzima nanyana esimumathini seplayistiki endaweni enzima epholileko.
Iinunwana
Aphids, Beetles, Leafhoppers, Nematodes, Slugs, Snails, Thrips Kanye ne-Whitefly.
Amalwelwe
Downey mildew, Fusarium, Phytophthora, Powdery mildew. Thola usiyazi wobujamo bendawo kanye nendlela zokuvikelwa kwentjalo ku-extension officer yangekhenu nanyana ku-consultant.
Translated by Busisiwe Prudance Skhosana