Kunemihlobohlobo yokufuywa kweenkukhu ekhona eSewula Afrika, enyenenye inamandla kanye nobuthakathaka bayo. Ukuze ukghone ukukhetha umhlobo, abafuyi kufuze baqale indlela ebazakukhiqiza ngayo iinkukwezo, ukuthi bazabe bazikhiqizela abobani kanye nalokho abakuthandako bona.
Ukufuyela ukuthengisa kuyindlela ejayelekileko nencono ekukhiqizeni okunamandla, kube kelinye ihlangothi ukufuyela iinzathu zombili nofana ukufuya iinkukhu zesintu nakho kubonakala kuyindlela encono lapho kungadingeki ukuhlelelwa okuphezulu.
Ukufuyela Ukurhweba Ngeenkukhu
Ukurhweba ngenkukhu kuphuma phambili, ngokuthi kukhiqiza amaqanda amanengi nofana inyama enengi, kodwana kungasi kokubili. Zilungele khulu umkhiqizo onamandla weenkampani.
Ezibekela amaqanda wokurhweba sithathwa kilabo abazikhulisako nazineemveke ezilitjhumi nobunane zobudala. Inengi lalezo ezikhuliselwe ukurhweba nezikhona namhlanje zisuselwa kileyo ebizwa nge-White Leghorn kanye neyihlanganisela i-New Hampshire kuthi i-Amberlink, Hyline kanye ne-Lohmann ngizo ezisetjenziswa khulu eSewula Afrika. Enye nenye ikukhu nanyana kuya ngomudazo nje, inamandla wokukhiqiza amaqanda angaba asithandathu ukuya kalikhomba ngeveke ukusuka eemvekeni ezilitjhumi nobunane zobudala ukuya kezimatjhumi alikhomba zobudala.
Imihlobo emhlophe ebekelako igcinwa isikhathi eside kamanye amazwe begodu kesinye isikhathi zikatelelwa bonyana zidlulele nakesinye isigaba esilandelako sokukhiqiza, kanengi eSewula Afrika abanengi bathengisa iinkukhu ezibekelako zombala omhlophe nazineemveke ezimatjhumi alikhomba kwaphela wobudala. Isizathu sokuthoma kukuthi kusuke kubize khulu ukugcina ikukhu yinye isikhathi eside, kwesibili, ngombana iSewula Afrika inamarhwebo amancani enza kuhle ngeenkukhu eziphilako. Abakhiqizi basebenzisa imili ebayibuthelele nabathengisa zokuthoma ukwenzele ukungezelela ekuthengeni ezinye iinkukhu ezibekelako.
Inengi lalezo zerhwebo ezisekelwa ngomtjhiso zisuselwa kileyo ebizwa nge-White Plymouth Rock kanye ne-Indian Game, kuthi i-Ross, Cobb, Hubbard, Arbor Acres kanye ne-Hybro kube ngezijayeleke zisetjenziswa eSewula Afrika. Imihlobo le itholwa isesenamalanga nofana ngokuya ngamalanga wobudala wedzinyana. Ituthuko ekubekeliseni komhlobo lo yenziwe khulu eminyakeni edlulileko ukufikela nje.
Laphpo kuthethe khona amalanga amatjhumi abumnane nane ukukhiqiza engaba yi-1,8 kg broiler ukusuka ku-3,25 kg yango-1950s, imihlobo le yamalanga la inamandla wokungakhiqiza ubukhulu obungaka bomzimba ngemva kwamalanga ama-33-35, ngokusebenzisa ngaphasi kwesiquntu kwesilinganiso sokudla. Amaqhinga amatjha wokukhulisa akakalethi ituthuko yomkhiqizo wamaqanda nofana inyama kwaphela kodwana alethe nokuba nomzimba otjhujileko nonzinzileko kanye neenkukhu eziqinileko.
Translated by Johannes Nkosinathi