Isigabesi siqalelele khulu eensetjenzisweni ezidingekako ukuthi ukghone ukuthoma ngokufuya iintenetjha. Lokhu kufaka hlangana izitja zokudlela, indlela yokuphakelwa kwamanzi, utjani nofana ibhali, umgqomu wokubulungela ukudla, iisetjenziswa zokuhlwengisa, isidleke namakheji wokuthutha kanye nembada yesizo lokuthoma.
Izitja Zokudla
Izitja zokudla kufuze ziphakele woke umhlobo wokudla okusetjenziswako.Ukudla nofana amapilisazo kukudla okulunge khulu nakusetjenziswa izitja zesikhatjhana ukusuka ngaphandle phezu kwekheji ukwenzela bonyana amapilisi la zikghone ukuphiwa ngaphandle kokuvula umnyango wekheji. Izitja zesikhatjhana kufuze zisiwe msinya ekhejini ukwenzela ukubalekela bonyana iintenetjha zingakhweli phezukwazo zigcine sele zisilaphaza koke ukudla.
Isitja esisetjenziselwa ukupha ukudla esikazi namadzinyanayo woke, nofana umhlambi weentenetjha ongaphakathi kwekheji eyodwa, kufuze sibe side ngendlela eyaneleko ukwenzela bonyana iinlwanezi zikghone ukudla ngokukhululeka zoke, ngokuba semaduzana ngaphandle kokubanga. Izitjezi zinngenziwa ngomhlowo wesenka elibizwa nge-galvanised metal, ibumba nofana ngokusika ibhodlelo leenselo eliyiplastiki. Nanyana kunjalo iintenetjhezi zizolidla kodwana lingajanyiselelwa lula.
Izitja zokupha amadzinyana ukudla kufuze zibe zincani ngokwaneleko ukwenzela ukuvimbela bonyana amadzinyana la angahlali phezukwazo nofana ukudla. Zoke izitja zokudla kufuze zihlale zihlwengisiwe ngaso soke isikhathi. (Bona zePilo).
Ihlelo Lokuphakela Amanzi
Kufuze kuhlale kunamanzi acwengileko ngaso soke isikhathi begodu kufuze abengeengono zamanzi. Indlela yamanzi wokuzivulekela kuyindlela engadingi bonyana umuntu ahlale asebenzana nawo khulu njengendlela yokuphakela amanzi. Nanyana lokho kuza nemiphumela emihle nje, kuqakatheke khulu bonyana uqinisekise bonyana iingono zemitjhini yamanzezi ezikavaleki nofana zivuze.Zidinga ilawulo. Ubumbi bokusebenzisa indlela yokuphakela amanzi ngeengono le, kukuthi umfuyi akakghoni ukwazi bonyana intenetjhakhe isele amanzi angangani ngelanga linye. Lokhu kuba nomthelele omumbi ekulinganiseleni okuhle naziza epilweni yentenetjha. Nokho, ikani amatanka angaphezulu ahlala azele amanzi, aqinisekisa bonyana enye nenye ifunyana amanzi ngaso soke isikhathi. Ukulatjhwa okudingwa mhlambi wazo woke, kungenziwa ngokujova amanzi wokuzitholakalela.