Iindleke Zamabhoksi
Iindleke zamabhoksi ziyencenye eqakatheke khulu yeensetjenziswa begodu zingenziwa nangeendlela ezinengi. Abafuyi abanengi bakhetha ukusebenzisa, amabhoksi wamaplanka, ngokuwafaka ngaphakathi kwekheji nofana ngokubanghamelela ngaphandle bese kuba nentunja lapho intenetjha esikazi (doe) ikghona ukungena nokuphuma khona. (Bukela iinthombe). Ngenye indlela kungasikwa isigubhu esingaba ma-25litre bese kwenziwa ibhoksana elifuthumelako, nelihlanzeka lula. (Bukela iinthombe) umhlobo lo wokunghanyelwa ozimplastiki uyatholakala, begodu udurile kodwana ulawuleka lula khulu (bukela iinthombe).Isidleke esingadli imali enengi khulu singenziwa ngokuthi kuquntwe nofana kuthunjuswe ibhoksi lephepha eliqinileko ngaphambili. Nokho kufuze linakekelwe khudlwana ukwenzela bonyana ibhoksi lihlale lomile begodu lisetjenziswe ngakanye. Ngemva kokulisiswa kokumunya kwamadzinyana, rathulwa ibhokselo (lokho okuseleko ngemva kokuthi esikazi sele ithomile ukulirathula ngokulidla) begodu kungafakwa hlangana nequbi lomsuqwa ukwenzela bonyana liboliselwe ukutjala.
Amabhoksi Wokuthutha
Iintenetjha zidinga ukususwa endaweni eyodwa ukuya kenye begodu kuhle khulu ukuthi kusetjenziswe amabhoksi weenthuthi ukwenza lokhu. Kungaba yikhejana encani eneembambo, nofana eyenziwe ngeengodo, nayo ibe neembambo. Nangabe kufuneka ibhoksi ukukhambisa iinlwani ezinengi, kungaba kuhle bonyana kube neengaba ezine ukuya kezihlanu ngaphakathi kwamakheji. Lokha iinlwanezi nazithuthwa ngesithuthi kufuze ziphephe, amabhoksi nofana amakheji akhipha bekangenise umoya kuhle ukwenzela bonyana zivikeleke ekhambeni lazo.Kufuze kuyelelwe khulu bonyana iintenetjha azipakelani begodu nangabe zikhamba ibanga elide, qinisekisa bonyana kuneemhlaza nofana ama-abhula ngaphakathi kwamakhreyiti, amumatha amanzi nokudla okunamandla. Nangabe ikhambo lide khulu kufuze zibe zincani iinlwani ngaphakathi kwekhreyiti. Amakhambo amanengi athatha phakathi kwe-1-6 yama-awara.
Imbada Yesizo Lokuthoma
Imbada yesizo lokuthoma le iqakatheke khulu. Kufuze iphathe iinhlahla ezijayelekileko begodu zihlale ziseduze ngaso soke isikathathi. (Okomumathwa ngaphakathi kwebhoksi kuzokudenjwa ngaphasi “kwezePilo”).Amakarada wemakheji weentenetjha, iincwadi ekugcinwa kizo amarekhodi kanye nokutshwaya iintenetjha kuzakudenjwa ngaphasi ‘kweLawulo leeNtenetjha’. Isikali nokukhuliswa kwazo kuzokudenjwa ngaphasi ‘kweLawulo’.Translated by Johannes Nkosinathi