Mapokisi a Dihlaga
Mapokisi a dihlaga ke karolo ye bohlokwa ya didirišwa e bile a ka dirwa ka ditsela tše ntšhi. Bontšhi bja balemirui bo kgetha go šomiša mapokisi a kota, e ka ba a bewa ka hokong goba klipelwa ka ntle ga hoko ka lešoba ka hokong gore mutla wa tshadi o kgone go tsena le go tšwa ka lona. (Lebelela diswantšho). Ka go le lengwe, kane ya meetse ya diletara tše 25 le yona e ka segwa go dira mapokisi a botse a go hlwekišwa ga bonolo. (Lebelela seswantšho). Klipi ya polastiki ya go betlwa e mapokising e gona, le ge e le gore e a tura, di bonolo kudu go laola. (Lebelela seswantšho).
Lepokisi la ditshenyegelo tša fase le ka dirwa ka go sega lešoba ka pele lepokising la khatepoto. Hlokomelo e swanetše go tšewa go kgonthiša gore lepokisi le bolokwa le omile gomme le tla šomišwa fela ga tee. Ge tswalo di setše di tshwešitšwego, kgeila khatepoto (seo se šetšego ka yona ka morago ga ge mma mutla a setše a ngwathile) gomme e ka okeletšwa thothobolong go e fetolela go manyoro.
Go Sepetša Mapokisi
Mebutla e hloka go sepetšwa sepetšwa gomme go botse go šomiša lepokisi la dinamelwa go dira se. E ka ba hoko ye nnyane ya lethale le diswara, goba go dirwa ka kota, gape le ka diswara. Ge e le gore lepokisi le a nyakega go sepetša diphoofolo tše ntšhi, go kaone go ba le dikarolo tše nne goba tše hlano ka dikhreiting.Ge diphoofolo di sepela ka sefatanaga ba swanetše go ba ka tšhireletšong, mapokisi a go tšenela botse ke moya goba dikhreiti tša go di šireletša leetong. O swanetše go hlokomela go se tlatše mebutla e bile ge e le gore di tšerwego ka leeto le letelele o swanetše go netefatša gore go na le borotlolo goba diapole ka dikhreiting, tša go fa dijo le seela. Ge leeto le le le telele diphoofolo ka mo gare ga khreiti di swanetše go ba mmalwana. Bontši bja maeto a ka ba go tloga ka 1 – 6 ya diiri.
Lepoki la Thušo ya Potlako
Lepokisi la thušo ya potlako le bohlokwa. Le swanetše go ba le dihlare tša motheo le gore le fihlelelwe ka dinako ka moka. (diteng tša lepokisi di tla ahlaahlwa ka fase ga ‘Maphelo’).Dikarata tša mapokisi, dingwalo tša direkoto, ka dipukung, le go swaya mebutla di tla ahlaahlwa ka fase ga ‘Taolo ya mebutla’. Sekala le didirišwa tša go dira botse le tšona di tla ahlaahlwa ka fase ga ‘Taolo’.Translated by Lawrence Ndou