Chenel
Ihlathululo
I-Chenel mhlobo wamaderibe wewayini emhlophe enganayo i-esede adabuka emvangweni weSewula Afrika neyathuthukiswa nguPhrofesa Chris Orffer. I-Chenel izalwa yi-Chenin Blanc kanye ne-Ugni Blanc (nebizwa nge-Trebbiano).
Imvelaphi/ Indabuko
IseSewula Afrika
Amanye Amagamawo
I-Chenel yaziwa nangokuthi yi-K1, kodwana i-Weldra ingenye esitjalo seSewula Afrika esinama phesende afana newe-Chenel.
Umkhiqizo weSewula Afrika
I-Chenel yavezwa eSewula Afrika ngomnyaka ka-1974. Pheze amahegere angaba matjhumi amathathu nantathu (33 ha) we-Chenel atjalwe eSewula Afrika ngomnyaka ka-2016, kuthi isiquntu sawo esingaba (14.5ha) sitjalwe e-Robertson region. Iimvini emidala ukudlula yoke isatholakala eyatjalwa ngomnyaka ka-1979 eplasini elibizwa nge-Laaiplaas endaweni ye-Robertson.
Umkhiqizo Weemphande
I-Robertson valley ikhiqiza i-Chenel enengi. I-Olifants Valley kanye neTlhagwini Kapa zibe neentjalo ezingaba mahegere abunane indawo ngayinye (8ha), kuthi ihegere eyoda kwaphela yatjalwa ngo-2016.
Ukukhula Kwawo
Uthela kuhle khulu ngokutjalwa kokuzimisela okufana nokuthelelelwa kanye nokusekelwa kwezinga eliphezulu i-trellising begodu sikhiqiza inani elingabalelwa ukusuka ku-(16-20t/ha) ukuya emkhiqizweni ophezulu oyi-23-27t/ha. Ngebanga lokuhlula ukubola, singatjalwa eendaweni eziphasi zehlabathi emanzi yeendawo ezifuthumeleko.
Ukuvuthwa
Simhlobo wesitjalo esivuthwa phakathi esikhathini sonyaka, i-Chenel ivunwa emalangeni amane ukuya evekeni ngemva kwe-Chenin Blanc.
Amakari
Amakari we-Chenin anesilinganiso sobukhulu esiphakathi, anombala ofipheleko begodu ayatjha lokha nakarondo begodu abanencenye yesiphetho ezintathu emithini ebuthakathaka.
Amamomori
Amamomori la akhula ngesilinganiso esiphakathi begodu akheka njenge qanda kanti-ke amakelwawo aqinile. Amamomori la anejuzi begodu anenambitho elinganayo i-esede.
Iintjhabalalisi kanye Namalwelwe
I-Chenel ikghona ukuvimbela ukuphadlhuka kwamamomori kanye nobujamo bezulu obumanzi begodu lokho kuyenza ijamelane ne-downy mildew kanye nokhunye ukubola kwamaderibe. Pheze ikghona nokujamelana nokubola okubizwa nge-botrytis kanye nokubola okunambitha kumbi.
Umsebenzawo
I-Chenel ikhiqiza iwayini emhlophe enzinze kuhle enganayo i-esede. Inambitho layo eliphuma phambili kanye nezinga eliphezulu le-esede (6-8g/l) yenza i-Chenel bonyana ibe yiwayini ehle yebhrendi nofana imivango ehlanganiswe namanye amawayini ukwenzela ukuphakamisa i-esede yewayini.
Inambitho
Amawayini enziwe ngamaderibe we-Chenel anenambitho eliphuma phambili kanye ne-esede ephezulu.
Translated by
Johannes Nkosinathi