Baboon
Ifene
Igama
Ifene [Papio sp.]
Ukudla
Ifene mhlobo wesilwani esikhulu esinobuso obukhulu obakheke pheze njengebenja, kanye namazinyo amade. Iimfene mhlobo weenlwani ophila ngokudla woke umhlobo wokudla nofana ngokuvanga kilokho ezikudlako, zidla iimbhadwa, iinyoni, kanye namaqandazo. Zivamise ukubulala bezidle amadzinyana wezingwe kanye namalamjana weempunzi neenyamazana. Umhlobo wefene ebizwa i-Chacma Baboon uvamise ukudla enye nenye incenye etholakala emithini. Zidla utjani, imbewu, imirabho yeemlilo zomango, amakhowe, iinthelo kanye namaqanda, kuthi kesinye iskhathi zidle iinlwanyana ezincani ezifaka hlangana iinunwana, imizoka, iinyoni, iimbhadwa, kesinye iskhathi sibulale bezindle imiqasa kanye namadzinyawo nemalamjana wamaliza.
Lapho batholakala khona
Iimfene zihlala emahlathini, eendaweni ezisiqunto serhalawumba kanye neenkhothi nemahlatjhaneni amagega nentaba i-Drakensberg. Ziqeda isikhathi sazo esinengi zisehlabathini. Emithini zikhwela kwaphela nazibalekela amanaba kanye neenlwani eziyingozi, nazilandelela ukudla, nofana ebusuku nazilalako. Kesinye isikhathi zilala emadwaleni kanye nequbini lamatje eliphakamileko. Abentwana beemfene bavamise ukukhwela emithini nabagijimisanako nalokha badlala. Kunemihlobo emibili yeemfene enarhakazini ye-Afrika.
