Ukurhunyezwa Komkhiqizo
Amapremu, i-Prunus domestica, mihlobo ehlukileko yamapremu avela enarheni yange-Europe. Nakukhulunywa ngama-premu, vane kukhulunywa ngamapremu onyisiweko nanyana imihlobo yamapremu efaneleko kobana angonyiswa. Amapremu la akhiqizwa ephasini loke begodu anemihlobo ehlukeneko edlula eyi-100. Avamise ukuthoma ukuthela iinthelo ezinengi lokha imithi yayo ineminyaka emihlanu itjaliwe. Kuqakathekile kobana kulawulwe umkhiqizo ngebanga lokobana ukuvumela kobana imithi le ithele iinthelo ezinengi khulu unyaka munye kungarholela kobana ingasathela khulu ngonyaka olandelako.
Ukuyilungisa-Ukuyibamba
Amapremu akhiwa lokha nasele avuthiwe akhelwa kobana onyiswe,nekukulokha nasele afike kumakhilogramu amane nanyana amathathu. Iswigiri kulapha izwakala kuhle ngaphambi kukobana isthelo sivuthwe khulu, nalokha isthelo nasithoma ukuwa. Lokhu kubudisi ngombana kwenza bona isthelo singarhoni ukuvunwa ngeskhathi esihle. Nange iinthelo zilawulwe kuhle, isthelo siba nesilinganiso esihle begodu sivuthwe ngeskhathi sinye. Kuqakathekile kobana imithi irhone ukuvunwa kuhle, lokha nayivunwa ngemitjhini nanyana ngezandla. Kuqakathekile kobana iinthelwezi zirhone ukoma kuhle eduze kwendawo lapho zikhiqizwa khona.
Umkhiqizo Wephasi
Inarha ekhamba phambili ngokukhiqiza amapremu, yinarha ye-USA, lapha amapremu amanengi akhiqizwa enarheni ye-Carlifonia, nanyana umkhiqizo we-USA sele unciphile eminyakeni embalwa edlulileko. Ezinye iinarha ezikhiqiza amapremu apremu anesilinganiso esihle, yinarha ye-Chile, ekhiqiza amatani ayi-100 000 yamapremu onyisiweko, kanye nenarha ye-France neye-Argentina. ISewula Africa ayikhiqizi amapremu amanengi.
Umkhiqizo weSewula Africa
Amapremu amanengi weSewula Africa akhiqizwa esifundeni se-Western Cape. Umkhiqizo weSewula Africa sele unciphile, nayimadaniswa ngeminyaka eyi-40 edlulileko, lapha sele inciphe ngamatani ayi-1000 ngonyaka, emapremini onyisiweko akhiqizwe eminyakeni edlulileko. Nanyana kunjalo, sele kunekareko elitjha loku khulisa ibubulweli, ukukhulisa iimaraga ezitja ezisavelako se-Africa.
Ukusetjenziswa Kwawo
Amapremu asetjenziselwa ukwenza ukudla okwahlukahlukeneko kanye nokufaka umnambitheko osudu ekudleni. Amthombo omuhle we-Vitamin K begodu angadliwa mumunto lokha nakaqurheleneko ngebanga lokobana akhambisa amathumbu, ngebanga lemithiya edliwako kanye ne-Sorbitol ekiwo.
Translated by Busisiwe Prudance Skhosana