Die Mpumalanga Provinsie se wapen het ’n groen basis met die Latynse leuse, Omnia Labor Vincit, bo-op geskryf. Dit beteken “Arbeid sal alles oorkom”.
Op die skild is ’n uitbeelding van die rooigousblom. Die skilddraers is twee koedoebulle. Bo-op die skild is ’n kroon wat aandui dat die provinsie die tweede regeringsfeer is. Die helmteken het drie strale wat die opkomende son en die pieke van die Mpumalanga Drakensberge simboliseer.
Dier Embleem – Koedoe (Tragelaphus strepsiceros)
Die koedoe is ’n blaarvreter en eet blare van ’n verskeidenheid bome en struike. Die koedoe verkies droë bosveld gebiede, Mopanie- en Miombo-woude en die oop knoppiesdoring-boslande in die Nasionale Krugerwildtuin. Koedoes kom in troppe voor en verdeel gewoonlik in twee subgroepe.
Jong koeie bly by hul moeders, maar jong bulle bly in alleenloper groepe wanneer hulle seksuele volwassenheid bereik, omtrent op twee jaar oud. Bulle sluit by die koeie se groepe aan tydens paartyd, gewoonlik tussen April en Mei. Daar bestaan geen territoriale spasiëring tussen bulle nie, maar hulle wys ouderdom en dus is daar dominante hiërargieë.
Dratyd is ongeveer sewe en ’n halwe maand en die kalwers word gewoonlik in die somermaande gebore. Vir die eerste vier tot ses weke na geboorte kruip die kalf vir roofdiere weg as die koei gaan wei. Die koei gaan slegs na die kalf toe tydens voedingstye.
Blom Embleem – Rooigousblom (Gerbera jamesonii)
