Kulawula khwalithi ya matandza

© Chris Daly

Ku sivela ku cinca ka xiyimo, matandza ya fanele ku hundzisiwa kuya eka vaxavi hiku hatlisa. Matandza ya fanele kuvekiwa eka mahiselo lawa yanga ehansi ka 13 degrees Celsius naswona aya fanelanga ku vekiwa edyambyini kumbe e kamareni leri hisaka swinene. Va Food and Agriculture Organisation (FAO) vale United States vahlohletela leswaku magoza lawa ya landzeleriwa kusivela ku cinca ka xiyimo xa matandza:

  • Susa matandza kuya eka ndzhawu leyingana ndzhuti, leyi hungaka moya kahle kumbe eka nhlayiso wale hansi ka misava hiku hatlisa loko yaha ku tshikeriwa.
  • Tindzhawu ta vuhlayiselo letingana xigwitsirisi kumbe swohunga moya tinga tirhisiwa loko gezi ririkona.
  • Laha kuga vaha gezi, matandza yanga vekiwa eka kamara leringana xinyami ya funengetiwa hi matluka ya rihlaza ku hunguta mahiselo.
  • Matandza yanga vekiwa e khuwanini leringa celeriwa kufikela exikarhi ka rona. Tshaku rakona rifanele kundlaleriwa mabyasi leswaku yanga kumi nkahelo wa mati usuka emisaveni naswona kufanele kuvekeriwa lapi leswaku moya wuta kota ku hunga kahle. Kufanele ku cheriwa leyara ya misava na swimatani leswaku kuta tshama ku horile. Matandza ya fanele ku hundzuluxiwa kanwe hi siku.
  • Eka maxelo lawa yanga oma matandza yafanele kuvekiwa eka basikiti ya mapulangi kumbe eka cupboard. Tray ya mati ya vekeriwa ehenhla ka bokisi na tiphisi ta masaka leswaku saka leri rita tshama ririkarhi rincikinya ematlhelo ya bokisi.

Matandza yo thyaka

©Chris Daly
Ku hlantswa indlela ya kahle no olova swinene yaku susa thyaka na swicoticoti eka matandza, kambe mati yangava nati bacteria letinga nghenaka eka swikhamba swa matandza. Leswi swivula leswaku kufanele kutirhisiwa swobasisa swokarhi leswinga nuheku kumbe kutirhisiwa mati yo hisa kufikela eka 38 degrees Celsius,leswi ikuya hiva FAO.

Lexi xinga hluphaka kova kudurha ka switirhisiwa swohlantswa kumbe swinga kumeki xikan’we naku pandzeka ka swikhamba swa matandza hikwalaho ka mati yo hisa. Ndlela yin’wana kungova kutirhisa swokarhi kuhalela naku bracha matandza leswaku ya basa. Va FAO vatsundzuxa leswaku leswi swifanele swiendliwa hi vukheta kusivela kuvaviseka kaswikhamba swa matandza.

Tota mafurha eka xikhamba

©Chris Daly
Matandza yanga totiwa kantsongo hi oyili ya xipexali yoka yinga nuheli leyingana ti minerali na mafurha kusivela kulahleka ka ntsuntsu, ngopfu ngopfu loko matandza ya vekiwe eka ndzhawu leyititimelaka kuringana tinhweti nyana kumbe rka mahiselo yale henhla ka 21° C, kuya hiva FAO. Laha matandza yafaneleke ku kondzelela mahiselo yale henhla, va FAO vatsundzuxa leswaku yafanele kutotiwa mafurha lawa kwalomu ka 4-6 wa ti awara endzhaku ko tshikeriwa; na 18- 24 wa ti awara endzhaku ko tshikeriwa loko kuriku yata vekiwa eka mahiselo ya 0° C.