Ku Hlawula Tinguluve

©Glenneis Kriel
Ku hlawula kahle muxaka waku andzisa swinga pfuna swinene ku tlakusa ntlhambi, xikombiso ku engetelela sayizi ya swingulubyana, ku antswisa khwalithi ya nyama xikan’we na swakudya leswi phameriwaka swifuwo. Tinguluve ta xinuna na ta xisati leti hlawuriwaka ku antswisa ntlhambi tifanele kuva leti hanyeke kahle, tiri eka xiyimo xa kahle, tingari na vuxaka na malembe ya kahle.

Rihanyo

Ku tswarisa swifuwo swifanele kuva leswi hanyeke kahle. Ufanele ku languta swikoweto swaku pfumaleka ka ntshamiseko, mavabyi, switswonga ngati na minhlaselo yin’wana loko unga se xava kumbe ku teka swifuwo leswi. Nguluve leyi hanyeke kahle, kuya hi South African Pork Producers Organisation’s Pigs for profit manual, tifanele kuva tihefemula kahle, tinga khohloli, ku hentshemula kumbe kuhumma rihlakahla. Tifanele kuva na voya lebyi hatimaka naswona tinga tin’wayi kumbe kuva na swilondza, mavalavala kumbe swikoweto swin’wana.

Swikahle ku xava xitoko kusuka eka vaxavisi lava tivekaka, kambe loko kuriku uta xava eka auction tiyisisa leswaku u tiva laha tihumaka kona xikan’we naku kombela xitifikheti xa rihanyo kusuka eka madokodela ya swifuwo. Ta xinuna leti phakeriwaka kusuka eka vafuwi vohambana hambana swina khombo rakuva tingava na mavabyi ya swamasangu kumbe mavabyi yan’wana. Van’wana vatiyisisa leswaku leti ta xinuna tihanye kahle loko vanga se titirhisa eka mintlhambi yavona.

Taxinuna leti tahaku kumekaka kumbe ta xisati tifanele ku vekiwa eka ndzhawu yohambana na ntlhami lowunwana kuringana ka kwalomu ka 4 wa mavhiki. Hinkarhi lowu swifuwo swifanele ku kamberiwa mavabyi, kutshunguriwa naku sivela switswonga ngati swintshwa kuva switisiwa eka mintlhambi naswona ti sawutisiwa swifanerile.

Ku Pfumela ka Miri

©Media 5 Photography on behalf of PIC in South Africa
Tinguluve atifanelanga tiva na swiphiqo kumbe kuva na vugono byokarhi. Kuya hi Pigs for Profit, ta xinuna na ta xisati leti hlawuriwaka tifanele tiva na milenge yale ndzhaku leyinga loloka na mikondzo yotano. Loko tiri na swiphiqo swaku famba swivula leswaku ati ringanelanga ku andzisa.

Tinguluve ta xinuna tifanele kuva na swibolwani swimbirhi leswi heleleke eka swirho swa yona swa xinuna naswona yifanele kuva yikomba ntsakelo wa masangu laha kunga na leyi ya xisati loko yikomba ku tsakela. Ya xisati leyinga antswisiwangiki yifanele kuva na mavele yoringana khume lawa yanga tshama kahle, laha leyi yinga antswisiwa yifaneleke kuva na kwalomu ka 14. Ya xisati yifanele kuva na miri wo enta lowunga kotaka ku rhwala vana lava kulu.

Ku Andzisa Kuya Hirixaka

©National Pork Board and the Pork Checkoff, Des Moines, IA, USA.
Ku andzisa kuya hi rixaka swiendliwa hi loko swifuwo swiri na vuxaka, tani hi vamakwavo kumbe vatswari na vana. Leswi aswina khombo ntsena raku tisa vugono lebyitaka na rixaka kuya eka vana, naswona swina xiave xobiha eka ku andzisa.

Va Food and Agriculture Organisation of the United Nations (FAO) va hlohletela leswaku kutirhisiwa ti purebred ta xinuna na ta xisati leswaku tinghena eka timhaka ta masangu, kambe tingavi na vuxaka byo karhi kusuka eka vuxaka lebyi ringanaka kwalomu ka mune. Vafuvi vafanele kuva na vuthala bya vuxaka eka mapurasi ya vona kutani va veka tihlo eka ku xava tinguluve ta xinuna letingariki na vuxakae purasini ra vona.

Xiyimo xa Miri

©National Pork Board and the Pork Checkoff, Des Moines, IA, USA
Loko u kota kuvona marhambu emirini, kufana na ti hips, makatla, timbambu kumbe rhambu rale nhlaneni, nguluve yi ondzile. Nguluve leyinga nyuhela ngopfu yitava na swiphiqo swaku andzisana.

Malembe

Malembe ya xifuwo yafanele kutekeriwa enhlokweni, tani hileswi swingatava na xiave eka vuswikoti byaku andzisana. Nguluve ya xinuna yitala kuhlayisiwa kuringana malembe yanharhu. Laha yaxisati yihungutiwa hiku dlawa loko vana vakula swiendla leswaku tisungula kuva na swiphiqo swotswala, kufana na kuka yingaha tsakeli masangu, yitsandzekaka kukuma vana, ku lahlekeriwa hi ndhwalo kukatsa na kutswala vana lavanga se ringanelangiki.

Translated by Ike Ngobeni

Choosing a Pig Breed

Loko u sungula purasi rofuwa tinguluve, ufanele ku hlawula muxaka lowu wungata fambelana na vuswikoti na vurhangeri kumbe vulawuri bya wena. Kuya hi Pigs for Profit ya Dr’s Jim Robinson na May-Louise Penrith...more

Different Pig Breeds

Leswi muxaka kunga hava lowu heleleke naswona muxaka wun’wana na wun’wana wuna swihlawulekisis bya wona, kuhlawula muxaka swinga endliwa hiku munhu ulava muxaka wihi....more

More Pig Breeds

Muxaka wa Kolbroek i muxaka walaha kaya e Afrika Dzonga. Voya bya yona bya ntima abyina muhlovo wa xiviri hikokwalaho ka swicoticoti. Muxaka wa Hampshire lowu sukaka eka muxaka wa khale wa English....more