Burchells Zebra
Mangwa

© Roger de la Harpe

Vito

Mangwa (Equus burchelli)

Xivumbeko

Minkhwalalati ya mangwa leyi yahambana swinene na leya Cape Mountain hikuva ya leyi yihelela ekhwirini. Kasi leyinga emilengeni ayi vonaki ngopfu. Yipimiwe kuva 1.3 kuya eka 1.4 wa timitara laha emakatleni yitika 300 -320 kg. Mangwa leyi yina tindleve ta xirhendzevutani letinga leha 160 kuya eka 170mm. Gomo rayona ira ntima laha exikarhi ka tindleve ritlhela ritsindziyela.
Swakudya: Xiharhi lexi xidya laha kungana bysai byo koma swinene. Xivikiwa kuva xiri na nomo wale henhla lowu tirhaka ngopfu ku hlengeleta swakudya kasi nomo wale hansi hiwona wuswiyisaka ematinweni leswaku swita ncakunyiwa.

Kutswalana

Lexi xiharhi xitswala nkarhi wihi na wihi kambe eka swinwani swiyimo vana vatswariwa hi ximumu. Endzhaku ka 360-390 wamasiku, nwana un’we watswariwa loyi avaku a tika 30- 35kg. Vana valumuriwa endzhaku ka 11 watinhweti.

Mahanyelo

Timangwa leti titala ku hanya himintlawa yintsongo laha kutalaka kuva nayinwe ya xinuna, yinwe ya xisati na vana va tona. Leti tinga tswaleku titala kuva tifamba hivunghwendha bya tona. Mintlhambi yatona yikumeka kuri letinga exikarhi ka 4 kuya eka 12 wamalembe. Laha kunwiwaka mati na madyelo ya rihlaza hilaha titalaka kukumeka kona himintlhambi leyikulu. Timangwa titala kukumeka na tihongonyi, timhunti na timfenhe.

Vutshamo

Mangwa yikumeka ngopfu laha kungana byasi byo koma swinene. Leswi yirhandzaka ngopfu mati swiendla leswaku yinga fambeli kule nalaha kunwiwaka kona mati, yifambafambela kwalomu ka 12km kusuka ematini. Ayitsakeli kufambela laha kunga tlhuma hikuva swiyi vekaka ekhombyeni.

Laha yikumekaka kona

Aswikohlwe leswaku mangwa na donki iswa ndyangu wunwe. Kambe muxaka lowu wa mangwa wuna swihlawulekisi swimbirhi leswi kumekaka laha Afrika Dzonga. Swihlawulekisi swakona hileswi hiswivonaka hi mangwa leyi na Cape Mountain. Laha Cape Mountain yikumekaka etintshaveni ta Kapa. Kasi leyinwana yikumeka laha kungana madyelo ya kahle.

Swo switiva

Muxaka lowu wa mangwa I xaka rale kusuhi swinene ra Mbizi leyi ayi tala ku jika jika ngopfu edzongeni wa Afrika Dzonga hi malembe yava 19th century, tina vuxaka swinene lero hambi kuri vativi va sayense varingeta no tihlanganisa leswaku kuta tlhela kuva na muxaka lowu enkarhini lowutaka. Mangwa yin’wani na yinwani yina mikhwalalati yayona yo hlawuleka tani hileswi na vanhu vangana migandlu ya tintiho to hambana.
Kuna swiviko swaleswaku ximangwani loko xaha kutswariwa xitshama swinene na mhana xona leswaku xita tekela eka yona mikhwalalati leyinga emirini wa yona. Mangwa leyi yale dzongeni yina mikhwalalati ya buraweni ehenhla ka leyo basa leswi swi endlaka leswaku yihambana swinene na leyi kumekaka en’walungwini