Mathata a Letlalo la Kolobe - Mafu a Kolobe

Greasy pig disease le diamond skin disease ke maemo a mabedi a tshwaetsanwang a ka amang letlalo la dikolobe. Bobedi bo bakwa ke dibaktheria mme a ka nna a thibelwa ka mekgwa e metle ya bohlweki

Greasy Pig Disease

©National Pork Board, USA
Greasy pig disease, e tsejwang hape e le exudative epidermitis, e bakwa ke mefuta e sa tshwaneng ya baktheria ya Staph Hyicus. Ho ya ka sehlooho sa National Animal Disease Information Service, Pig Health – Greasy Pig Disease, baktheria e dula hodima letlalo la dikolobe, empa e tla hloka hlohletso ho hlahisa lefu lena. Dihlohletso tsena tse ka hlahisang di ka nna tsa eba ntho leha e le efe e senyang letlalo, malwetse a mang, ditshila hodima letlalo kapa mahlasedi a phahameng a mongobo a hlahisang lera la mongobo letlalong la dikolobe, moo baktheria e ka atisang teng.
Lefu lena le etsa hore ponahalo e teteaneng ya mmala wa lamunu, e sootho e be e botsho bo mafura ka hlooho le mmele wa dikolobe mme hangata e ama dikolobe tse nyane, tse kang madinyane a anyesang le a dikilweng. E bolaya haholo dikolobe tse nyenyane, kaha di lebisa ho tswa metsi. Dikolobe tse kholo di ka nna tsa etsa hore maqeba a fole butle, e leng se etsang hore ho be le ho nyatsuwa ha letlalo ka diphofu.
Phekolo
Tshebediso ya shampoo kapa sesepa e ka thusa ho tlosa le ho bolaya dibaktheria tse ding, empa dikolobe hangata di hloka tshebediso ya dithibela-mafu. Botsa ngaka ya diphoofolo hore o fumane keletso ya dithibela-mafu tse lokelang ho sebediswa, ho lebisa tlhokomelong ya mofuta o itseng wa dibaktheria tse ikarabellang ho lefu lena. Tlhokomelo e lokela ho nkwa e le ho fa dikolobe tse nang le metsi a lekaneng hammoho le electrolyte ho thibela ho tswa metsi.
Dikolobe tse nang le greasy skin disease di lokela ho arolwa dikolobeng tse phetseng hantle ho thibela baktheria hore e se ke ya hasana ho dikolobe tse ding. Bohlweki bo lokela ho etswa ho boloka palo ya greasy disease e bakang dibaktheria. Lebaka la tshwaetso le lona le lokela ho rarollwa ho thibela ho phatloha ha nakong e tlang, e be ho lematsa letlalong, malwetse a mang, maemo a se nang boikemelo kapa maemo a lehodimo a etsang hore mongobo o fetelle ho feta letlalo.

Diamond Skin Disease

Diamond skin disease, e tsejwang e le Erysipelas, e bakwa ke Erysipelothrix rhusiophathiae bacterium, e fumanehang dirapeng tse ngata tsa kolobe. Ho ya ka Pig Site’s Quick Disease Guide, diphoofolo tse ka bang 50% di ka jara dibaktheria ka ditemetoaneng tsa tsona. Matshwao a nang le tshwaetso ke mohlodi o ka sehloohong wa tshwaetso, empa e ka boela ya ata ka motswako le mathe.
Diamond skin disease e ama haholo dikolobe tse ntseng di hola. Le hoja baktheria e ka bakang lefu lena, ho qhoma ho ka boela ha bakwa ke malwetse a mang.
Diamond skin disease e na le tshohanyetso ya tshohanyetso mme e ka baka lefu ka tshohanyetso ka lebaka la septicaemia kapa pelo ya ho hloleha. Lebitso la lona le tswa lefifing le lekgubedu la sebopeho sa daemane le matheba leo e le bakang letlalong la dikolobe, ka lebaka la ho thibela madi. Dibaka tsena di ka nna tsa eba ntsho hamorao ka lebaka la disele tse shweleng, empa boholo ba tsona di fola matsatsing a supileng ho isa ho a leshome.
Ntle le matheba a daemane, dikolobe tse amehileng di na le feberu e phahameng. Ho tse tshehadi hangata ho fella ka ho ntsha mpa, ho tswalwa ke malapa le madinyane a ditopo, ha dikolobe di tla fokola hafeela di tshwerwe ke lefu lena.
Phekolo
Phoofolo e amehang e lokela ho phekolwa ka penicillin ya nako e telele e sebetsang. Kopa keletso ho setsebi sa bophelo ba diphoofolo kapa setsi sa bophelo bakeng sa ditlhahiso mabapi le hore na sehlahiswa se tla sebediswa jwang le kamoo se ka se sebedisweng kateng. Ho na le ente e teng e ka sebedisetswang ho thibela mafu.
Dikolobe tse nang le Diamond skin disease di lokela ho arolwa dikolobeng tse phetseng hantle ho thibela baktheria hore e se ke ya hasana ho dikolobe tse ding. Bohlweki bo lokela ho etswa ho boloka mafu a bakang dibaktheria. Lebaka la tshwaetso le lokela ho rarollwa ho thibela ho phatloha ha nakong e tlang, e be ho lematsa letlalong, mafu a mang, maemo a se nang boikemelo.

Translated by Bongani Matabane

Mathata a Letlalo la Kolobe - Dikokwana-hloko tse ka Ntle

Mange, louse ya kolobe, matsetse le dintsintsi ke tse ding tsa dikokwana-hloko tse ka ntle tse ka bakang moferefere wa letlalo le ho fella k...more

Mathata a Letlalo la Kolobe - Dikokwana-hloko tse Eketsehileng tsa ka Ntle

Diboseleise tse bonolo di ka nna tsa dula tshireletsong ya kolobe, meepong ya kolobe-moru kapa malapeng a batho, athe diboseleise tse thata ...more

Mathata a Letlalo la Kolobe - Le Kotsi le ho Cheswa ke Letsatsi

Kolobe e phetseng hantle e na le letlalo le hlwekileng le le bonolo le hlakileng. Ho latela buka ya Pork Producers Production Organisation P...more