Kuhlanyela
iWatermelon ihlanyelwa kusukela enhlanyelweni. Inhlanyelo ingahlanyelwa ngekutsi ivele ifakwe emhlabatsini noma icale yentiwe titfombo.Indlela yekuhlanyela
Hlanyela inhlanyelo ishobele nga 30 kuya ku 40 mm. loku kwentiwa ngesandla noma ngemushina. Yenta siciniseko kutsi umhlabatsi umanti ungakahlanyeli, uphindze unisele nawucedza kuhlanyela.Sikhala
Tihlahla te Watermelon kufanele tishiyane nga 50 kuya ku 75 cm emalayinini lahlukane nga 150 kuya ku 200 cm. bunyenti betihlahla buyahlukana kusukela ku 8 000 kuye ku 15 000 wetihlahla kuli hecta, kuye ngekutsi nguyiphi inhlanyelo ye Watermelon.Sikhatsi sekulima nesekuhlanyela
Kuhlanyela inhlanyelo ye Watermelon kucala ekucaleni kwetfwasa hlobo nasekutophela August kuya ku December eSouth Africa. Kuhlanyela kwekucala kucala uma sekucala kushisa, lapho khona umhlabatsi ushisa nga 15 °C. uma umhlabatsi ushisa ngaphansi kwaloku, inhlanyelo itomila ngekungafani, ngalesinye sikhatsi ingamili.
Kute titjalo tisheshe tikhicite wentele kutsengisa, labanye balimi batokhulisa titfombo endlini lelihlata ngemubala ngabo July bese iyalungela kuhlanyelwa ngabo ngesikhatsi lesikahle. Loku kwenta lesitselo se watermelon sibe sembili ngemaviki lamabili kuya emavikini lamatsatfu.
Sikhatsi sekukhula
iWatermelon itsatsa emaviki langu 12 kuaya ku 18 wemaviki, kuye ngaleyo nhlanyelo kanye nesimo selitulu nasikhula lesitselo. iWatermelon lencane naleyo lengenato tinhlamvana isheshe ivutfwe, futsi ngiyo ledvume ngekusheshe itsengiswe.Manyolo
Kufaka umcuba noma manyolo kuya ngemuphumela lowutfolile nawuhlola umhlabatsi, naloko lokudzingwa ngulesitjalo sakho. Lokudzingwa yi watermelon kuyashiwo lana.
Uma ulima lapho kunesitjalo lesiluhlata lesivalako futsi ufake umcuba kusele emaviki lasihlanu kutsi uhlanyele, faka 350 kg we superphosphate kuli hecta ngalinye futsi ulime loku emhlabatsini kushobele nga 50 mm.
Emalangeni lasele lapho usengakahlanyeli khona, lapho khona solungisa umhlabatsi kwekugcina, sebentisa likhuba kuhlanganisa 800 kg we 2:3:4(27) kuli hecta. Emavikini lamatsatfu kuya emavikini lamane ucedze kuhlanyela, lapho khona tihlahla tikhula kahle, faka 300 kuya ku 400 kg we 1:0:1 (36) uhlanganise Nitrogen (N) ne Potassium (K) emalayinini bese uyanisela nawucedza.
Kunisela
Ungakahlanyeli, kuyasita kutsi unisele kahle yonkhe lendzawo lapho utolima khona, loku kusita kutsi titfombo tikhule kahle futsi timphandze nato tikhone kukhula, futsi titfole umsoco losemhlabatsini.
Kufuneka uhlale uhlola kutsi umhlabatsi umanti ngendlela lefanele. Ngeliviki kufanele unisele kusuka ku 30 kuya ku 35 mm. Loku kungahlukaniswa ngekutsi unisele kabili noma katsatfu ngeliviki uma sihlahla sisakhula.
Uma sitselo sesicinile futsi netimphandze setibambe kahle, sikhatsi lonisela ngaso singanciphiswa, unisele kanye ngeliviki. Uma kuvuna sekusondzele, kunisela kunganciphiswa, elivikini lekugcina ungakavuni, kufanele uyekele kunisela.
Translated by Thandokuhle Motha