Igama
Uqamu womphimbo omhlophe (White-throated Monitor) (Varanus albigularis albigularis)Iimbalobalo Ngepilwabo Ezirhunyeziweko
Isigaba: ReptiliaIrhemo/Umhlobo: Squamata
Umndenazo: Varanidae
Ubude Besikazi: 400 - 500 mm
Ubude Beduna: 400 - 500 mm
Imihlobo Yakwabo
Kunomhlobo wakaqamu womphimbo omhlophe [V. a. albigularis], we-Angola [V. a. angolensis], wePumalanga [V. a. microstictu]Ihlathululo
Umhlobo lo wakaqamu mkhulu, unepumulo ede, imilenze eqinileko nebonakala ithambile kanye namazipho abukhali. Ihlokwayo yakheke njenge lerhe, iitunja zepumulwayo zakheke begodu ziseduze namehlo khulu ukudlula ukuba sesiphethweni sepumulo.Umhlanayo unombala omlotha okumnyama kuthi ngaphezulu uqarheke ngozotho, bese ube namabala amahlanu ukuya kasithandathu asarulana okumthuthu nobumnyama evamise ukuba sencenyeni yesiphetho.
Ukwabeka Nokusabalala Kwazo
Batholakala koke eendaweni ze-savanna kanye neemphandeni ezisiquntu serhalawumba weenarha ezincani, kodwana abatholakali eTjhingalanga Kapa, nakezinye iindawo ukuyokufika keze-savanna yePumalanga ye-Afrika.Ukuhlangana Noduna Nokubekelisana
Ekuthomeni kwehlobo bavamise ukubekela amaqanda abunane ukuyela kamasumi amahlanu nanye, nokho lokho kuya nangobukhulu bakaqamu osika.Amaqanda la aqoqoselwa ngemva kwamalanga alikhulu nesumi ukuyela kalikhulu namasumi amabili eendaweni lapha bavaleleke khona, kuthi emangweni lapho bakhululeke khona bathathe isikhathi esidlula leso.