Ihlathululo
I-Mourvèdre mhlobo wamaderibe wewayini wombala omnyama osetjenziselwa umkhiqizo wewayini ebovu. Ihlaziyo lehlelo lokuhlola ifuzo (DNA analysis) lahloma bonyana imihlobo eyaziwa nge-Mataro, Monastrell kanye ne-Mourvèdre kuyinto eyodwa. Umhlobo lo, namhlanje, waziwa ngokuphuma phambili ngaphasi kwegama lawo lesi-French, i-Mourvèdre. Umzali wemihlobo le awaziwa.Imvelaphi/Indabuko
Njengombana i-Mourvèdre idabuka e-Spain, nokho ma-French enza bonyana iwayini ithole idumo ngemivangwabo esezingeni eliphezulu i-Rhone blends. Umhlobo lo, njengeminye eminengi, ubonakala uthole igama lawo ukusuka eendaweni odabuka kizo, kilelihlahlandla sikhuluma ngamadorobha we-Spain i-Mataro eduze ne-Barcelona kanye ne-Murviedro eduze ne-Valencia.Umhlobo lo unabe e-France ngesikhathi se-16th Century begodu waba hlangana nemihlobo edume khulu e-Rhone Valley, ukufikela lapho kwaqubuka i-phylloxera epidemic phakathi eenkhathini zakade. Inengi leemvino lajanyiselelwa nge-Grenache, ngaleso sikhathi nebegade kulula ukuyitjalelela phezu kwemirabhu emidala ehlula ubulwelwe be-phylloxera.
Nanyana kunjalo i-Mourvèdre iragele phambili yenza ezibukwako e-Bandol, esiphandeni esiseSewula ye-Rhone eyaqinisekisa bonyana ayihlulwa khulu yi-phylloxera ngebanga lehlabathawo eyisanda.
Amanye Amagamawo
Umhlobo lo ubuya waziwe nange-Mataro, Balzac noir, Damas noir, Trinchiera kanye ne-Monastrell.Umkhiqizo weSewula Afrika
Umhlobo lo ubonakala ufike eSewula Afrika kwaphela ngabo-80s, kodwana wathuthukiswa nguPhrofesa Abraham Izak Perold ukusuka ngo-1920s ngebanga lamandlawo wokukhiqiza iwayini esezingeni eliphambili nokujamelana nobujamo obufuthumeleko.Umkhiqizo Weemphande
Endaweni yomkhiqizo i-Mourvèdre yakhula khulu ukusuka ngomnyaka yabo-1990s, lapho abalimi bathoma batjala khulu i-Mediterranean nekumihlobo ezwana khulu nobujamo obufuthumeleko eSewula Afrika. Ngomnyaka ka-2016, begade kunamahegere ama-470 ha womhlobo lo enarheni, nekatshwaya pheze iphesende elilodwa lendawo yoke yamaderibe wewayini ebovu.Njengombana umhlobo lo utjalwe koke lapho kukhiqizwa khona, ngaphandle kweTlhagwini Kapa, Swartland kanye ne-Paarl zithatha ngaphezu kwesiquntu sendawo yoke yomkhiqizo.
Ukukhula Kwawo
Umhlobo lo wenza ezibukwako ngaphasi kobujamo obufuthumeleko. Kumhlobo okhula ngamandla tle kanye nangomkhiqizo ophezulu, obalelwa ukusuka phakathi kwama-20 t/ha to 23 t/ha.Ukuvuthwa Kwawo
Uvuthwa phakathi esikhathini sonyaka, ukusuka phakathi ukuya ekupheleni kwenyanga kaNtaka.Amamomori
Umhlobo lo ukhiqiza amamomori amakhulu, arondo, wamakelo aqinileko nanzima, kanye nelingaphakathi eliqinileko lombala ohlaza satjani. Amamomori akabi namabala ngesikhathi esisodwa, nekurholela ekutheni ihlanganisela yawo ibenamabala angafaniko ekuthomeni kokovuthwa kwawo (veraison).Amakari
