• Home
• Products
• Farming
• Livestock
• Pig Farming
• Pig Breeding

Nḓila ya u kona u ṋanga uri u fuwa dzi fhio zwi ya thusa u khwinisa danga, sa tsumbo u hulisa vhana, na u khwinisa ṋama na zwiḽiwa zwa zwifuwo. Dza tsadi na dza tshinna dzi fanela u nangiwa zwavhuḓi hu tshi khou itea u khwinisa danga dzi fanela uvha dzi na mutakalo, dzi na u sikwa ha vhuḓi dzi sina vhushaka, na u vha na minwaha ya vhuḓi.

Mutakalo

Dzine dza vha dzi tshi khou fuwiwa dzi fanela uvha na mutakalo. U fanela u kona u vhona uri dzina mutsiko dzi khou lwala na u shatiwa nga zwitzhili u saathu renga kana u a ḓa phukha nntswa dangani. Nguluvhe ine ya vha na mutakalo uya nga vha South African Pork Producers Organisation’s Pigs for profit manual, dzi fanela uvha dzi tshi khou fema zwo teaho, na u atsamula, na u bvisa mare. Dzi fanela uvha na mukumba une wa vha u tshi khou penya, isa khou ḓi kweta lwo kalulaho na uvha na zwilonda, mavhadzi, uvha na mavhala, u khwaṱha kana u aluwa.
Ndi zwavhudi u renga kha vhathu vhane vha vha vho ḓi itela dzina, arali ni tshi khou u renga kha vha vhambadzi u fanela uvha u tshi ḓivha vhubvo ha nguluvhe na u kona u amba na vhaḓivhi uri vha uvhe ṱhanziela. Dza tshinna dzine dza sokou kovhekaniwa uya nga dzi bulasi dzi vha dzo fara na na khombo khulwane ya u ḓisa malwadze a zwa vhudzekani, u fanela u lavhelesa uri ina mutakalo usaathu thoma u i shumisa kha danga ḽau.
Dza tshinna dzine dza kha ḓi bva u rengwa dzi fanela uvhewa kule na danga lwa vhege dzo no swika nṋa. Nga na u thivhela uri hetshi tshifhinga dzi fanela uvha dzi tshi khou ṱoliwa malwadze, u lafhiwa zwitzhili na u thivhela uri zwinwe zwitzhili zwi balelwe u dzhena kha danga na u ṱhavhela arali zwi tshi khou ṱoḓea.

Body Conformation (i Nguluvhe)

Nguluvhe a i fanela uvha na vhunwe vhuholefhali nga nnḓa. Uya nga vha Pigs for Profit, dza tshinna na dza tsadzi dzine dza vha dzo tiwa uri dzi ḓo beba dzi fanela uvha na muṱana une wa vha wo khwaṱha na milenzhe na zwikunwe. Arali dzi tshi khou balelwa u tshimbila a dzi faneli u ita zwa u beba.
Dza tshiina dzi fanela uvha na matshende mavhili ane avha uri ndi avhuḓi nahone i fanela u takala musi i phanḓa ha ya tsadzi. Ya tsadzi ine ya vha i songo khwiniswa i fanela uvha yo vulea zwine zwa swika 10 hune ine ya vha yo khwiniswa i tshi fanela uvha 14. I fanela uvha na muvhili yo tsaho u itela u hwala vhana vhanzhi.

Zwa u Tanganisa bebo

Hezwi zwi vhangiwa musi zwipuka zwine zwa vha na vhushaka sa vhana vha musadzi kana mubebi kana vhana dzo tanganiswa. Zwiengedza u sa fhelela zwine zwa vha zwi tshi khou ya kha vhana zwa dovha zwa sa vhe zwavhuḓi kha u bveledza.
Vha Food and Agriculture Organisation vha United Nations (FAO) vha themendela uri dzine dza fanela u beba dza tshinna na dza tsadzi adzi faneli uvha na vhadzimu vhathihi zwine zwa swika lushaka lwa vhuṋa uya murahu. Vhabveledzi vha fanela u nwala fhasi kha bulasi ḽavho na u kona u renga dza tshinna dzine dza sa vhe na vhushaka.

Nyimelo ya Muvhili

Arali u tshi kona u vhona marambo nga nnḓa ha muvhili, sa hip mahaḓa, mbabvu kana muṱoḓo nguluvhe ivha yo sekenesa. Nguluvhe ine yavha uri yo khwaṱhesa inga vha na vhuthada ha u bveledza inga vha na vhuthada ha milenzhe na zwikunwe.

Minwaha

Minwaha ya phukha i fanela u sedziwa, ngauri zwi ya kwama u bveleledzwa. Dza tshinna dzi ya vhewa u swika dzi na minwaha miraru. Dza tshisadzi hu vha ho sedziwa thumbu kana musi dzi tshi vho thoma uvha na vhuthada ha mbebo, u fana na usa vha na mufhiso, u balelwa u beba, uya nnṱha thumbu na u beba vhana vha tshi lovha kana ya beba vha songo swika.