Vito ra xi Science: Rosmarinus officinalis
Vito ra Ntolovelo: Rosemary
Nhlamuselo ya Ximilani
Ximilani xa Rosemary xitiyerile naswona ximila kufikela eka timitara timbirhi hiku leha. Ximilani lexi xitshama xiri rihlaza kambe xina tshindi rakuva ra muhlovo wa mpunwa. Ximilani lexi xina swirhabyani swotala laha matlhelo laha kuhumaka kona matluka ya xona. Matluka iya rihlaza rodzwihala laha henhla ka wona kasi ehansi ka wona ya vonikela. Mabilomu lawa ya humaka le makumu ka swirhabyani iya muhlovo wa wasi.Switirhisiwa
Rosemary hi tindlela ta yona timbirhi kunga yo tsakama nayo omisiwa titirhisiwa eka swakudya swotala swinene tani hi xotisa nantswo. Xitirhisiwa xin’wana ixaku humelerisa mafurha ya nkoka. Mabilomu ya kona yana mafurha ya khwalithi yale henhla swinene naswona ya vuyerisa nuhelo wa kahle swinene wa furexe wa camphor. Xiphemu lexin’wana xa ximilani xihumelerisa mafurha kambe yana camphor ya aroma yo tiyela.Swilaveko swa Misava na Ndzulamiso
Rosemary yi tirha kahle swinene eka misava leyi tswongaka mati ya sandy loam leyingana pH yale xikarhi ka 6 na 7.5. Unga byali eka misava leyingana vumba ngopfu. Eka misava leyinga tlimbana swinene, swikahle kuva u endla mintila ya swimilani kupfuneta kuva mati ya nghenelela ekule nyana na timintsu.Loko kunga se lulamisiwa misava, kufanele ku tekiwa swikombiso swa misava kutani swirhumeriwa e laboratory leswaku swiya lavisisiwa naswona ku nyikiwa switsundzuxo swa swakudya. Misava yifanele ku rimiwa leswaku yita olova kuva yiva kwalomu ka 600 mm. Lime, kuva yi lulamisa pH, manyoro kumbe swononisa swifanele ku cheriwa kutani swirimeriwa ehansi ka misava kufikela kwalomu ka 400 mm wa misava kuringana 4 kuya eka 5 wa mavhiki loko kunga se byariwa.
Eka masiku yohetelela loko kunga se byariwa engetela swinonisi swinwana leswi cheriwaka emisaveni loko kuya byariwa kutani u rimela nakambe kwalomu ka 20 cm ya misava. Leswi swibasisa nhova yin’wana na yin’wana leyingavaka yisele. Loko kuve ku endliwa ridging swi endliwa hiwona nkarhi lowu naswona ti seedbeds ta lulamisiwa leswaku kuta byariwa.
Maxelo
Rosemary i ximilani xotsindziyela lexi tshamaka xiri rihlaza lexi milaka eka maxelo yohambana hambana naswona yi tirha kahle eka maxelo lawa yangale xikarhi ka 18°C na 26°C. Naswona xikota ku kondzelela gwitsi.Swibyariwa
Kuna tinxaka tinharhu ta rosemary leyi humelerisiwaka leswaku yita xavisiwa, Camphor-Borneol, Cineole na Verbenone.Tinxaka leti kumekaka hi leti, Albiflorus, Arp, Benendan Blue, Flora Rosa, Hill Hardy, Holly Hyde, Huntington Carpet, Irene, Majorca Pink, McConnell’s Blue na Tuscan Blue.
Kuna tinxaka tinwana totala swinene naswona swikahle kuva u kuma switsundzuxo kusuka eka extension officer wale kusuhi xikan’we na mutivi wa mbewu leswaku uta tsundzuxiwa hi muxaka wa kahle lowunga lulamela ndzhawu leyi u lavaka ku byala eka yona xikan’we na makete lowu u lavaka ku xavisela wona.Translated by Ike Ngobeni